Segue 3

Segue 3 is ’n dowwe sterreswerm van die Melkweg in die sterrebeeld Vlieënde Perd wat in 2010 ontdek is in data van die Sloan Digitale Lugopname.[1] Dit is sowat 55 000 ligjare van die Son af en beweeg weg van die Son teen ’n snelheid van 167,1 km/s.[2]

Segue 3
Soort stelselBolswerm
SterrebeeldVlieënde Perd
Waarnemingsdata (Epog J2000)
Regte klimming21h 21m 31s
Deklinasie+19º 07' 02"
Skynmagnitude14,9
Besonderhede
Afstand (ligjaar)55 000
Skynbare grootte 52′.0
Portaal  Portaalicoon   Sterrekunde

Segue 3 is besonder dof; sy absolute magnitude is na raming sowat −1,2[1] of selfs 0,[2] wat beteken die swerm is maar 100 tot 250 keer so helder as die Son. Dit het ’n effens afgeplatte vorm en toon tekens van verbrokkeling weens getykragte.[2]

Die sterre van Segue 3 is ouer as 12 miljard jaar[2] en is van die eerste sterre wat in die heelal gevorm het. Hulle het ’n lae metaalinhoud.

Verwysings
  1. Belokurov, V.; Walker, M.G.; Evans, N.W.; Gilmore, G.; Irwin, M.J.; Just, D.; Koposov, S.; Mateo, M.; Olszewski, E. (2010). "Big Fish, Little Fish: Two New Ultra-Faint Satellites of the Milky Way". The Astrophysical Journal. 712: L103. doi:10.1088/2041-8205/712/1/L103.
  2. Fadely, R.; Willman, B.; Geha, M.; Walsh, S.; Muñoz, R.R.; Jerjen, H.; Vargas, L.C.; Da Costa, G.S. (2011). "Segue 3: An old, extremely low luminosity star cluster in the Milky Way's halo". The Astronomical Journal. 142 (3): 88. doi:10.1088/0004-6256/142/3/88.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.