Seevolke

Seevolke is ’n term wat gebruik word om ’n konfederasie van seevarende nasies te beskryf wat moontlik in óf Wes-Anatolië óf Suid-Europa ontstaan het, in besonder die streek om die Egeïese See.[1] Hulle het in die oostelike deel van die Middellandse See rondgevaar en Anatolië, Sirië, Kanaän, Siprus en Antieke Egipte aan die einde van die Bronstydperk binnegeval.[2]

N35
G1		 N25
t Z2ss		 N35
G40		 M17M17Aa15
D36		 N35AN36
N21
"van die see" in die Groot Karnak-inskripsie
verwys na die Ekwesj, Sjekelesj en Sjerden
(n3 ḫ3s.wt n<.t> p3 ym)
in hiërogliewe

Die term word deur moderne geleerdes gebruik om te verwys na nege groepe volke, hoewel die beskrywing "van die see" (Egipties: n3 ḫ3s.wt n<.t> p3 ym)[3] in ’n historiese verband net verwys na drie: die Ekwesj, Sjekelesj en Sjerden.[4] Die identiteit van die Seevolke is steeds onduidelik en moderne geleerdes het net stukke van antieke dokumente en argeologiese ontledings om hulle te lei.

Die term peuples de la mer is in 1855 die eerste keer gebruik deur die Franse Egiptoloog Emmanuel de Rougé.[5]

Die nege groepe wat beskou word as moontlike Seevolke is, in alfabetiese volgorde, die:

  • Denjen, wat deur sommiges verbind word met die Griekse Danaërs en deur ander met die Israelitiese stam Dan
  • Ekwesj, moontlik ’n groep Achajers van die Bronstydperk
  • Loekka, ’n Anatoliese volk van die Egeïese See
  • Peleset, moontlik die Filistyne / Pelasgers
  • Sjekelesj, moontlik ’n Italiese volk van Sisilië
  • Sjerden, dalk van Sardinië of Sardis
  • Teresj, moontlike voorvaders van die Etruskers (Tyrseners)
  • Tjeker, 'n woord wat wisselvallig met Teresj gebruik word, en waarskynlik dieselfde beteken
  • Wesjesj, waarskynlik die mense van Iasos

Daar is geen bewyse van die migrasie van hele volke in enige dokumente van dié tyd nie, maar geleerdes glo aan verskeie vertolkings van ’n "migrasiehipotese".[6] Die meeste geleerdes glo die Seevolke het Siprus, die Hetitiese Koninkryk en die Levant binnegeval.

Verwysings
Hierdie artikel is vertaal uit die Engelse Wikipedia
  1. "Syria: Early history". Encyclopedia Britannica (in Engels). Geargiveer vanaf die oorspronklike op 5 Mei 2015. Besoek op 8 September 2012.
  2. "Sea People". Encyclopedia Britannica (in Engels). Geargiveer vanaf die oorspronklike op 29 April 2015. Besoek op 8 September 2012.
  3. Soos aangeteken deur Gardiner V.1 p.196, volgens ander tekste
    N25
    X1 Z4
    ḫ3sty.w "vreemde volke"; albei terme kan ook na "buitelanders" verwys.
  4. Killebrew, Ann E. (2013), The Philistines and Other “Sea Peoples” in Text and Archaeology, Society of Biblical Literature Archaeology and biblical studies (Society of Biblical Lit) 15, ISBN 978-1-58983-721-8
  5. De Rougé, Emmanuel (1855), Notice de Quelques Textes Hiéroglyphiques Récemment Publiés par M. Greene, E. Thunot, http://books.google.co.uk/books?id=i74-AAAAcAAJ&pg=PA14#v=onepage&q&f=false
  6. The End of the Bronze Age: Changes in Warfare and the Catastrophe Ca. 1200 B.C., Robert Drews, p48–61
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.