Meer van Tiberias
Die Meer van Tiberias (Hebreeus: יָם כִּנֶּרֶת, Arabies: بحيرة طبريا), algemeen bekend as die See van Galilea, is 'n meerin Galilea, Israel. Die meer is na Tiberias, die grootste stad aan die meer vernoem. Dit het 'n oppervlakte van 165 km² en 'n maksimum diepte van 46 meter. Die watervlak is 209 meters onder seevlak, wat dit die laagste varswatermeer en tweede laagste meer ter wêreld maak.
| Meer van Tiberias | |
|---|---|
%252C_Northern_Israel.jpg.webp) Nasa-Satellietbeeld van die Meer van Tiberias | |
 Kaart van die Meer van Tiberias | |
| Koördinate: | 32°50′N 35°35′O |
| Ligging: | Israel |
| Soort: | Binnemeer |
| Oppervlakte: | 166 km² (64 myl²) |
| Gemiddelde diepte: | 25,6 m (84 vt) |
| Maksimum diepte: | 43 m (141 vt) |
| Volume: | 4 km³ (0,96 myl³) |
| Lengte: | 21 km (13 myl) |
| Breedte: | 13 km (8,1 myl) |
| Opvangsgebied: | 2 730 km² (1 050 myl²)[1] |
| Omtrek: | 53 km (33 myl) |
| Invloei: | Jordaanrivier[2] |
| Uitvloei: | Jordaanrivier |
| Eiland/e: | 2 |
| Nedersettings: | Tiberias |
Die meer is die belangrikste reservoir van soetwater in Israel. Dit word vanuit Noord-Israel en Suid-Libanon gevoed. Die Jordaanrivier vloei van noord na suid deur die meer, waarna die water na die Dooie See, die laagste meer in die wêreld vloei.
Boottogte kan oor die meer onderneem word, met 'n mooi uitsig oor die water en die Golanhoogtes in die agtergrond. Rondom die meer is strande en verskeie trekpleisters vir toeriste.
Van Jesus se optredes speel op en om die meer af. Jesus het 'n tyd lank in Kapernaüm aan die meer gewoon. 'n Aantal bekende Bybelverhale, soos die wonderbare spysiging, en Jesus se wandeling op water, speel hier af.
.jpg.webp)
Verwysings
- (en) Exact-me.org Geargiveer 25 Januarie 2012 op Wayback Machine
- (en) Aaron T. Wolf, Hydropolitics along the Jordan River Geargiveer 28 Mei 2010 op Wayback Machine, United Nations University Press, 1995
Eksterne skakels
Wikimedia Commons het meer media in die kategorie Meer van Tiberias.