Sed-fees
Die Sed-fees (Egipties: ḥb-sd, ook bekend as Heb Sed) was ’n seremonie in Antieke Egipte waarmee die lang bewind van ’n farao gevier is. Die naam kom van die Egiptiese wolfgod, Wepwawet of Sed.[1]
Detail van ’n ivoorplaat wat die Sed-fees van die 1ste-dinastiese farao Den uitbeeld.
Die antieke fees is vermoedelik ingestel in die plek van die rituele moord van die vroeëre farao's wat nie meer in staat was om doeltreffend te regeer nie weens ouderdom of siekte.[2] Eindelik was Sed-feeste die viering van die 30-jarige bewind van ’n farao; daarna is dit gewoonlik elke drie jaar gehou. Die doel daarvan was om die farao se krag en stamina te hernu terwyl hy nog regeer het en sy voortgesette sukses te vier.
Verwysings
- Shaw, Ian. Exploring Ancient Egypt. Oxford University Press. 2003. ISBN 0-19-511678-X. p53
- Cottrell, Leonard. The Lost Pharaohs. Evans, 1950. Page 71.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.