Saulspoort

Saulspoort is 'n dorp in die Noordwesprovinsie van Suid-Afrika. Dit val onder die Moses Kotane Plaaslike Munisipaliteit wat onder die Bojanala-distriksmunisipaliteit ressorteer.

Saulspoort
Dorp
Saulspoort  Saulspoort se ligging in Noordwes
Koördinate: 25°09′29″S 27°09′43″O
Land	Suid-Afrika
Provinsie	Noordwes
Distrik	Bojanala
Munisipaliteit	Moses Kotane
Oppervlak [1]
• Totaal	14,76 km2 (5,70 vk. myl)
Bevolking  (2011)[1]
• Totaal	11 220
• Digtheid	760/km2 (2 000/vk. myl)
Rasverdeling (2011) [1]
• Indiërs/Asiërs	0.1%
• Bruin mense	0.1%
• Swart mense	99.5%
• Ander	0.3%
Taal (2011) [1]
• Tswana	86.4%
• Engels	3.3%
• Zoeloe	2.1%
• Suid-Ndebele	1.5%
• Ander	6.8%
Poskode (strate)	0318
Poskode (posbusse)	0318

Die dorp, ook bekend as Moruleng,[2] lê aan die noordelike voet van die Pilanesberg, sowat 65 km noord van Rustenburg. Dit is vernoem na 'n voormalige Bakgatla-hoof, Tsheole, Saul genoem deur die vroeë setlaars.[3]

Dit is gestig toe Henri Gonin, 'n Switserse sendeling van die N.G. Kerk wat die evangelie onder die baKgatla-stam verkondig het, verskuif het na die plaas Saulspoort. Die plaas was deur die latere president Paul Kruger besit, en Kruger het dit uiteindelik aan Gonin verkoop in 1869.[4] In 1895 het die baKgatla die grootste deel van Saulspoort by Gonin gekoop.[5]