Samuel de Champlain

Samuel de Champlain
Samuel de Champlain
Gebore	Samuel Champlain; gedoop op 13 Augustus 1574; Brouage of La Rochelle, Aunis, Frankryk
Sterf	25 Desember 1635; Quebecstad, Quebec, Nieu-Frankryk (tans Kanada)
Nasionaliteit	Fransman
Beroep	navigator, kartograaf, soldaat, ontdekkingsreisiger, administrateur en kanselier van Nieu-Frankryk
Bekend vir	verkenning van Nieu-Frankryk, stigting van Quebecstad, "Vader van Nieu-Frankryk" genoem
Handtekening

Samuel de Champlain (gedoop op 13 Augustus 1574 in Brouage of La Rochelle, Aunis, Frankryk; † 25 Desember 1635 in Quebecstad, Kanada) was 'n Franse ontdekker, navorser, koloniale pionier en van 1633 tot 1635 die eerste goewerneur van Kanada. Hy word ook die "Vader van Nieu-Frankryk" genoem.

De Champlain stig in 1608 Quebecstad, die huidige hoofstad van die Provinsie Quebec. Tydens sy ekspedisies in die binneland van Kanada doen hy navorsing oor die Saint-Laurentrivier en ontdek in 1615 die Huronmeer. Hy lewer 'n waardevolle bydrae tot die vroeë kartografie van Kanada en beskryf in sy etnologiese geskrifte die gebruike en sedes van die Eerste Nasies. 'n Aantal stamme van die Eerste Nasies word sy bondgenote in die stryd teen die Britse koloniale troepe in Noord-Amerika.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.