Sabees
Sabees was ’n Oud-Suid-Arabiese taal wat tussen omstreeks 1000 v.C. en die 6de eeu n.C. deur die Sabeërs gepraat is. Dit is as ’n skryftaal gebruik deur ’n paar ander volke van antieke beskawings in Suid-Arabië.[1]
| Sabees | ||
|---|---|---|
| Gepraat in: |  Jemen  Oman  Saoedi-Arabië | |
| Gebied: | Arabiese Skiereiland | |
| Totale sprekers: | Geen (uitgestorwe) | |
| Taalfamilie: | Afro-Asiaties Semitiese tale Wes-Semitiese tale Suid-Semitiese tale Westelik Oud-Suid-Arabies Sabees | |
| Taalkodes | ||
| ISO 639-1: | geen | |
| ISO 639-2: | ||
| ISO 639-3: | xsa | |
’n Stele met ’n Sabese inskripsie. Alabaster, omstreeks 700 v.C., Jemen.
Sabees behoort tot die Suid-Arabiese Semitiese tak van die Afro-Asiatiese taalfamilie.[2] Dit word van ander lede van die Oud-Suid-Arabiese groep onderskei deur die gebruik van "h" vir die derde persoon en as ’n kousatiewe voorvoegsel; die ander tale gebruik almal "s1" in dié gevalle. Sabees word dus ’n "h"-taal genoem en die ander "s"-tale.[3]
Sabees is met die Suid-Arabiese alfabet geskryf en het, nes Hebreeus en Arabies, net konsonante gehad.
Verwysings
- Andrey Korotayev (1995). Ancient Yemen. Oxford: Oxford University Press. ISBN 0-19-922237-1.
- Leonid Kogan en Andrey Korotayev: "Sayhadic Languages (Epigraphic South Arabian)". Semitic Languages. Londen: Routledge, 1997, p. 157–183
- Norbert Nebes en Peter Stein, "Ancient South Arabian" in The Ancient Languages of Syria-Palestine and Arabia. CUP 2008
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.