Saasveld, George

Op Saasveld in die oostelike buitewyke van George is die kampus van die Nelson Mandela-universiteit gevestig.

Barones Gesina van Reede van Oudtshoorn koop in 1854 die plaas Pampoenkraal en herdoop dit tot Saasveld, die plek in Nederland van waar haar voorgeslagte gekom het. In 1902 het die regering van die Kaapkolonie ‘n kollege gestig om bosbouers op te lei. Tot 1932 was die kollege gevestig by Tokai. Daarna is dit na Saasveld verskuif om naby die inheemse bosse, plantasies en saagmeulens te wees. In 1985 het die Port Elizabeth Technikon die beheer by die Departement Bosbou oorgeneem en sedert 2005 is Saasveld ‘n kampus van die Nelson Mandela-universiteit van Port Elizabeth.

Verskeie vroeë reisigers in die Kaapkolonie soos Carl Peter Thunberg, Francois le Vaillant en Anders Sparrman het Pampoenkraal besoek.

Bibliografie

Mohr, M.v.N. en H.J. van Aswegen: 'n Loopbaan as bosbouer. Lantern. Tydskrif vir Volksopvoeding. Jaargang 3, no. 1, Junie-Augustus 1953.
Standard Encyclopaedia of Southern Africa, deel 9. Kaapstad: Nasou, 1973. ISBN 0-625-00325-X

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.