SC 04 Westfalia Herne
SC 04 Westfalia Herne is 'n Duitse sokkerklub uit Herne in die deelstaat Noord-Rynland-Wesfale in Duitsland. Die klub is op 13 Junie 1904 gestig. Sedert 9 September 1934 is die Stadion am Schloss Strünkede (kapasiteit vroeër 35 000 toeskouers) die tuiste van die klub.
| SC 04 Westfalia Herne | |||||||||||||||||||||||||||||||||
 | |||||||||||||||||||||||||||||||||
| Volle naam | Sportclub Westfalia 1904 e.V. Herne | ||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Bynaam/me | Westfalia | ||||||||||||||||||||||||||||||||
| Stigting | 1904 | ||||||||||||||||||||||||||||||||
| Tuisveld | Stadion am Schloss Strünkede, Herne | ||||||||||||||||||||||||||||||||
| Kapasiteit | 25 000 | ||||||||||||||||||||||||||||||||
| Liga | Oberliga Wesfale | ||||||||||||||||||||||||||||||||
| |||||||||||||||||||||||||||||||||
Die Duitse sokkerstelsel is gereeld verander en die klub speel in die eerste 29 jaar van sy bestaan in 19 verskillende kompetities. In 1933 word sokker in Duitsland geherorganiseer tydens die Derde Ryk en word die Gauligas die hoogste speelklas vir sokker. In die eerste jaar van die Gauliga speel Westfalia nog in die 2de klas, maar hulle is kort daarna gepromoveer na die eerste liga. In 1937 word die klub visekampioen na FC Schalke 04 in die Gauliga Wesfale.
Na die Tweede Wêreldoorlog speel die klub in die Landesliga Wesfale, wat met die invoering van die Oberligas in 1947-48 die 2de hoogste speelklas word. In 1954 promoveer die klub na die Oberliga Wes (die verskillende Oberligas was destyds die hoogste speelklas in Duitsland). In 1959 word die klub kampioen van die Oberliga Wes (voor spanne soos 1. FC Keulen, BV Borussia Dortmund, VfL Bochum, SC Rooiwit Essen en FC Schalke 04) en 'n jaar later vise-kampioen. Die klub se grootste teenstander in hierdie tyd was sy buurman SV Sodingen. Ongelukkig vir Westfalia is die klub in 1963 sensasioneel uit die Oberliga gerelegeer en het as gevolg daarvan nie vir die nuutgestigde Bundesliga gekwalifiseer nie (gebaseer op sy vorige ligaposisies sou die klub kwalifiseer).
Na die stigting van die Bundesliga word Westfalia in die Regionalliga (2de klas) ingedeel waar hy nog enkele seisoene deelgeneem het. 'n Borgskap deur die petrolmaatskappy Goldin Imperium het die klub gehelp om die Bundesliga 2-Noord te bereik in die 1975/1976-seisoen as SC Westfalia Goldin Herne. Na die maatskappy se bankrotskap in 1979 was die klub egter verplig om aan die liga te onttrek na slegs een wedstryd in die 1979/1980-seisoen.
Onlangse ligaposisionering
|
|
Eksterne skakels
- Amptelike klubwerf
- The Abseits Guide to German Soccer
- Stadionfoto's vanaf NRW-Stadien.de[dooie skakel]
| Oberliga Wesfale 2007/08-seisoen | |
|
Rooiwit Ahlen II | DSC Arminia Bielefeld II | VfL Bochum II | SC Delbrück | SpVgg Erkenschwick | |
