Rzeszów

Rzeszów [ˈʐɛʂuf] is die administratiewe hoofstad van die Suidoos-Poolse woiwodskap Subkarpate (Podkarpackie).

Rzeszów
Kaart	Wapen
	Vlag
Land	Pole
Woiwodskap	Subkarpate
Koördinate	50°3′N 22°0′O
Stigting (eerste verwysing)	-
Stadstatus	1354
Oppervlakte:
- Totaal	126,57 vk km
Hoogte bo seevlak	221 m
Bevolking:
- Totaal (31 Oktober 2019)	195 101
- Bevolkingsdigtheid	1 541/vk km
- Metropolitaanse gebied	365 000
Tydsone	MET (UTC +1)
- Somertyd	MEST (UTC +2)
Klimaat
- Tipe	Kontinentaal-gematig
- Gemiddelde jaarlikse temperatuur	8,9 °C
- Gem. temp. Januarie/Julie	-3,3 / 18 °C
- Gemiddelde jaarlikse neerslae	508 mm
Burgemeester	Tadeusz Ferenc
Amptelike Webwerf	www.erzeszow.pl

Rzeszów is 'n universiteitstad wat aan weerskante van die Wisłokrivier in die hartland van die Sandomierska-vallei, tussen Krakow en die Pools-Oekraïense grenspos naby Przemyśl en langs die internasionale snelweg E 40 en die spoorweglyn tussen Lviv (Lemberg) en Krakow geleë is. Die stad word deur 'n internasionale lughawe bedien.

Die stad se ekonomiese stand as belangrikste nywerheidsentrum in Suidoos-Pole word al dekades lank deur die vliegtuigbedryf bepaal. Daarnaas speel voedselverwerking en farmaseutiese nywerhede 'n beduidende rol. Die ligging naby die Poolse Woudkarpate-berggebied en 'n goed ontwikkelde toeristiese infrastruktuur met talle aantreklikhede maak van Rzeszów 'n gewilde reisbestemming.