Ruimteverdrag

Die Ruimteverdrag, amptelik die verdrag oor die beginsels waaraan die aktiwiteite van die staat onderworpe is in die verkenning en gebruik van die buitenste ruimte, insluitend die maan en ander hemelliggame, is 'n verdrag wat die basis vorm vir die internasionale ruimtereg. Die verdrag is op 19 Desember 1966 in terme van 'n resolusie deur die Algemene Vergadering van die Verenigde Nasies aanvaar. Dit is daarna op 22 Januarie 1967 vir ondertekening in Londen, Moskou en Washington DC geopen en het op 10 Oktober 1967 in werking getree. Op 1 Januarie 2013 is die verdrag deur 102 lande geratifiseer[1] en deur nog 26 lande onderteken.

Ruimteverdrag van 1967 ██ Onderteken en geratifiseerd ██ Slegs onderteken ██ Nie onderteken nie

In 1979 is die Maanverdrag onderteken, wat bedoel was as 'n uitbreiding van die Ruimteverdrag, maar omdat hierdie verdrag slegs deur 16 lande bekragtig is, waarvan nie een 'n onafhanklike ruimtevaarende nasie was nie, is dit in die praktyk 'n dooie verdrag.

Belangrike punte uit die verdrag

Ruimteverkenning en -gebruik sal uitgevoer word tot voordeel van alle state en die ruimte moet beskou word as 'n hulpbron vir die hele mensdom.

Die ruimte is vry om te verken en te gebruik vir elke staat.

Daar kan geen soewereiniteit ten opsigte van die ruimte of hemelliggame geëis word nie.

State sal nie kernwapens en ander massavernietigingswapens in 'n wentelbaan plaas nie, dit op hemelliggame plaas of op enige ander manier in die ruimte stationeer nie.

Die maan en ander hemelliggame word uitsluitlik vir vreedsame doeleindes gebruik.

Ruimtevaarders sal as gesante van die mensdom beskou word.

State is verantwoordelik vir ruimteaktiwiteite wat deur regeringsinstansies en private instellings uitgevoer word.

State is verantwoordelik vir skade veroorsaak deur 'n ruimtetuig wat deur hulle gebou is.

Skadelike besoedeling van die ruimte en hemelliggame moet vermy word.[2]

Verwysings

"Treaty on Principles Governing the Activities of States in the Exploration and Use of Outer Space, including the Moon and Other Celestial Bodies" (in Engels). United Nations Office for Disarmament Affairs. Geargiveer vanaf die oorspronklike op 19 November 2019. Besoek op 29 Desember 2013.
(nl) (en) "Verdrag inzake de beginselen waaraan de activiteiten van Staten zijn onderworpen bij het onderzoek en gebruik van de kosmische ruimte, met inbegrip van de maan en andere hemellichamen".

Eksterne skakel

Treaty on Principles Governing the Activities of States in the Exploration and Use of Outer Space, including the Moon and Other Celestial Bodies

Hierdie artikel is in sy geheel of gedeeltelik vanuit die Nederlandse Wikipedia vertaal.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[1] "Treaty on Principles Governing the Activities of States in the Exploration and Use of Outer Space, including the Moon and Other Celestial Bodies" (in Engels). United Nations Office for Disarmament Affairs. Geargiveer vanaf die oorspronklike op 19 November 2019. Besoek op 29 Desember 2013.

[2] (nl) (en) "Verdrag inzake de beginselen waaraan de activiteiten van Staten zijn onderworpen bij het onderzoek en gebruik van de kosmische ruimte, met inbegrip van de maan en andere hemellichamen".