Rooigras

Rooigras (Themeda triandra) is een van die belangrikste grasspesies van Suid-Afrika. Dit is inheems en kom in alle provinsies voor, maar dit word ook wydverspreid buite die land aangetref.[1]

Rooigras
Blompakkies
Wetenskaplike klassifikasie
Koninkryk:
Plantae
(geen rang):
Angiosperms
(geen rang):
Monocots
(geen rang):
Commelinids
Orde:
Poales
Familie:
Poaceae
Subfamilie:
Panicoideae
Tribus:
Andropogoneae
Subtribus:
Anthistiriinae
Genus:
Themeda
Spesie:
Themedia triandra

Forssk.

Dit word in soetveldstreke as 'n soetgras beskou, maar as suurgras in suurveldstreke. Hoe hoër die reënval van 'n streek hoe suurder die veld gewoonlik is. Rooigras is 'n meerjarige spesie wat dikwels 'n klimaksgras is. Dit wil sê dat dit sal oorheers in 'n volwasse gemeenskap wat vir 'n hele aantal jare gerus word ontwikkel.[2]

Dit word 30 cm tot 150 cm hoog. Die jong gras is groen of blougroen, maar dit kry pienk, rooi of pers kleure as dit ouer word. In Oktober tot Julie kry dit hangende blompakkies wat drie puntige uitsteeksels het. Die aanwesigheid van rooigras dui op 'n gesonde toestand van die veld.[3]

Rooigras is 'n belankrike deel van die oorspronklike laagrenosterveld.[4]

Verwysings
  1. "SANBI-rooily" (in Engels). Geargiveer vanaf die oorspronklike op 5 April 2016. Besoek op 14 November 2016.
  2. "Karoo Streeknuusbrief Junie 1974". Geargiveer vanaf die oorspronklike op 10 September 2019. Besoek op 14 November 2016.
  3. "PlantZAfrica" (in Engels). Geargiveer vanaf die oorspronklike op 24 September 2016. Besoek op 14 November 2016.
  4. Overberg Renosterveld.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.