Rio Japurá

Die Rio Japurá (Spaans: Río Caquetá / Japurá) is een van die grootste sytakke van die Amasonerivier in Suid-Amerika en volgens afloop die derde grootste sytak van die wêreld na die Rio Madeira en die Rio Negro. Die rivier, met 'n lengte van 2 820 km, vloei deur Colombia en die Brasiliaanse deelstaat Amazonas.

Rio Japurá - Río Caquetá / Japurá
Vegetasie aan die oewer van die Rio Japurá. Vegetasie aan die oewer van die Rio Japurá.
Die stroomgebied van die Rio Japurá.
Oorsprong	Andes oostelik van Pasto (Colombia)
Monding	naby Tefé in die Amasonerivier, Amazonas, Brasilië
Stroomgebied	Colombia en Brasilië (Amazonas)
Lengte	2 820 km (1 752 myl)[1]
Gemiddelde afloop	18 600 m³/s[2]
Stroomgebiedopp.	255 700 km²

Boloop van die Río Caquetá in die Colombiaanse Andes

Die Río Caquetá verlaat die Andes met lae watervlak

Die Río Caquetá ontspring in die ooste van Pasto in die Colombiaanse Andes net 10 km van die Río Magdalena se oorsprong. Aansluitend vloei die rivier in suidoostelike rigting deur die Amasone-bekken in die weste van Brasilië, waar die Rio Japurá in die Amasonerivier uitmond. Die boloop van die rivier word in Colombia Río Caquetá genoem.