Rider-Waite-tarot

Die Rider-Waite-tarot is 'n gewilde pak tarotkaarte vir waarsêery.[1][2] Dit is ook bekend onder ander name, soos die Waite-Smith-tarot[3] Dit is geskoei op die instruksies van die akademikus en mistikus A.E. Waite en geïllustreer deur Pamela Colman Smith. Dit is in 1909 die eerste keer deur die Rider Company gepubliseer. Daar is talle uitgawes van die pak en dit het baie variasies en namaaksels tot gevolg gehad.[4][5] Meer as 100 miljoen eksemplare van die pak bestaan na raming in meer as 20 lande.[6]

A.E. Waite en Pamela Colman Smith.

Oorsig

Hoewel die beelde eenvoudig is, is daar baie simboliek in die detail en op die agtergrond. Van die beelde is dieselfde as op vorige pakke, maar oor die algemeen verskil die Waite-Smith-pak heelwat. Die Klein Arcana bevat simboliese tonele deur Smith, terwyl vorige pakke meestal eenvoudige ontwerpe gehad het.[7]

Groot Arcana

Die Groot Arcana van die Rider-Waite-tarot is:

  • 0 – Dwaas
    0 – Dwaas
  • I – Towenaar
    I – Towenaar
  • II – Hoëpriesteres
    II – Hoëpriesteres
  • III – Keiserin
    III – Keiserin
  • IV – Keiser
    IV – Keiser
  • V – Opperpriester
    V – Opperpriester
  • VI – Verliefdes
    VI – Verliefdes
  • VII – Strydwa
    VII – Strydwa
  • VIII – Krag
    VIII – Krag
  • IX – Kluiseaar
    IX – Kluiseaar
  • X – Gelukswiel
    X – Gelukswiel
  • XI – Geregtigheid
    XI – Geregtigheid
  • XII – Gehangde man
    XII – Gehangde man
  • XIII – Dood
    XIII – Dood
  • XIV – Matigheid
    XIV – Matigheid
  • XV – Duiwel
    XV – Duiwel
  • XVI – Toring
    XVI – Toring
  • XVII – Ster
    XVII – Ster
  • XVIII – Maan
    XVIII – Maan
  • XIX – Son
    XIX – Son
  • XX – Oordeel
    XX – Oordeel
  • XXI – Wêreld
    XXI – Wêreld
Die oorspronklike rose en lelies op die agterkant van die 1909-kaarte.

Die kaarte is in Desember 1909 die eerste keer gepubliseer, deur die uitgewer William Rider & Son van Londen.[7] Verskeie uitgawes is gedruk tot in 1939, en toe weer van 1971 tot 1977.

In 2009 het U.S. Games Systems 'n herdenkingspak gepubliseer met die titel "The Smith-Waite Centennial Deck".[8] Dié pak plaas Smith se naam eerste en laat die naam van die oorspronklike uitgewer weg. Sommige moderne tarotkaartlesers noem al die kaarte, ook die oorspronklike pak, die "Smith-Waite-pak" om aan Smith volle erkenning te gee vir haar bydrae.[9]

Verwysings
  1. Giles, Cynthia (1994). The Tarot: History, Mystery, and Lore. New York: Simon & Schuster. p. 46. ISBN 0671891014.
  2. Visions and Prophecies. Alexandria, Virginia: Time–Life Books. 1988. p. 142.
  3. Katz, Marcus; Goodwin, Tali (2015). Secrets of the Waite–Smith Tarot. Llewellyn Publications. ISBN 978-0738741192.
  4. Kaplan, Stuart R. (2018). Pamela Colman Smith: The Untold Story. Stamford, Connecticut: U.S. Game Systems. p. 371. ISBN 9781572819122.
  5. Dean, Liz (2015). The Ultimate Guide to Tarot: A Beginner's Guide to the Cards, Spreads, and Revealing the Mystery of the Tarot. Beverly, Massachusetts: Fair Winds Press. p. 9. ISBN 978-1592336579.
  6. Ray, Sharmistha (23 Maart 2019). "Reviving a Forgotten Artist of the Occult". Hyperallergic. Besoek op 14 Maart 2021.
  7. Kaplan, Stuart R. (2018). Pamela Colman Smith: The Untold Story. Stamford, Connecticut: U.S. Game Systems. pp. 74–76. ISBN 9781572819122.
  8. "The Pamela Colman Smith Commemorative Set".
  9. "Pamela Colman Smith Was the Artist and Occultist Who Designed the Iconic Tarot Deck. Why Has No One Ever Heard Her Name?". 26 Augustus 2022.

Skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.