Richard Kiel

	Richard Kiel
	Kiel in 2014
Geboorte	13 September 1939; Detroit, Michigan
Sterfte	10 September 2014; Fresno, Kalifornië
Nasionaliteit	Verenigde State van Amerika
Beroep(e)	Akteur, komediant
Aktiewe jare	1960–2014
Internet-rolprentdatabasis-profiel

Richard Dawson Kiel was 'n Amerikaanse akteur en komediant. Kiel is veral bekend vir sy rol as Jaws, die boef met metaaltande, in die James Bond-rolprente, The Spy Who Loved Me en Moonraker.

Richard Kiel as Voltaire en Michael Dunn as Dr. Loveless in die Amerikaanse televisiereeks The Wild Wild West (1966)

As 2,18 m lange akteur het hy veral rolle as reus en boef vertolk. In Moonraker mag hy sy komiese talent wys. Ná 'n mislukte sluipmoordpoging op Bond in Rio de Janeiro word hy die slagoffer van 'n kabelspoor-ongeluk. Hy word deur 'n klein blonde vrou gered, raak verlief op haar en weier vervolgens om aan sy boosdoener-baas gehoorsaam te wees.

Biografie

Richard Kiel is op 13 September 1939 in Detroit, Michigan in die Verenigde State van Amerika gebore.

Kiel trou in 1960 met Faye Daniels, maar hulle is in 1973 geskei. Daarna was hy vanaf 1974 tot sy dood met Diane Rogers getroud. Kiel en Rogers het vier kinders gehad.

Hy is op 10 September 2014 in Fresno, Kalifornië, slegs 3 dae voor sy 75ste verjaarsdag oorlede.[1]

Verwysings

Klompus, Jack (11 September 2014). "Richard Kiel, James Bond villain Jaws, dies aged 74". Digital Spy (in Engels). Geargiveer vanaf die oorspronklike op 11 September 2014. Besoek op 11 September 2014.

Eksterne skakels

Wikimedia Commons het meer media in die kategorie Richard Kiel.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[1] Klompus, Jack (11 September 2014). "Richard Kiel, James Bond villain Jaws, dies aged 74". Digital Spy (in Engels). Geargiveer vanaf die oorspronklike op 11 September 2014. Besoek op 11 September 2014.