Rhode Island

Rhode Island (Engels: State of Rhode Island) is 'n deelstaat in die Nieu-Engeland-streek van die Verenigde State van Amerika. Dit is die kleinste van die vyftig Amerikaanse deelstate met 'n oppervlakte van 3,144 vierkante kilometers – maar ook dié met die langste amptelike naam. Die hoofstad en grootste stad is Providence. Rhode Island het 'n bevolking van omtrent een miljoen en was die 13de deelstaat wat tot die Unie toegelaat is. Die naam Rhode Island verwys na Aquidneck Island, wat ook Rhode Island genoem is. Providence Plantations verwys na die vasteland. Die Italiaanse seevaarder Giovanni da Verrazzano was die eerste Europeër om die gebied te besoek. Rhode Island word in die noorde en ooste deur Massachusetts en in die weste deur Connecticut begrens. Die Atlantiese Oseaan lê in die suide.

Kaart van Rhode Island

Block Island-voorgebergte, Rhode Island

Providence

Deelstaat Rhode Island
Vlag van Rhode Island Seël
Bynaam(e): The Ocean State, Little Rhody
Kaart van die Verenigde State met Rhode Island uitgelig
Amptelike taal(e)	Geen (Engels de facto)
Hoofstad	Providence
Grootste stad	Providence
Area	50ste in die V.S.
- Totaal	4 001 km2
- Wydte	60 km
- Lengte	77 km
- Water	438 km2
- % water	13.9 %
- Breedtegraad	41° 09' N tot 42° 01' N
- Lengtegraad	71° 07' W tot 71° 53' W
Bevolking	45ste in die V.S.
- Totaal	1 098 163
- Digtheid	387.35/km2 2de in die V.S.
Hoogte
- Hoogste punt	Jerimoth-heuwel 247 m
- Gemiddeld	60 m
- Laagste punt	Atlantiese Oseaan seevlak
Toetrede tot die Unie	29 Mei 1790 (13de)
Goewerneur	Dan McKee (D)
Luitenant-Goewerneur	Sabina Matos (D)
Wetgewer	Rhode Island Algemene Vergadering
- Hoërhuis	Senaat
- Laerhuis	Huis van Verteenwoordigers
V.S. Senatore	Jack Reed (D) Sheldon Whitehouse (D)
Tydsone	UTC -5 / Somertyd -4
Afkortings	RI US-RI
Webblad	www.ri.gov

Rhode Island se byname is The Ocean State en Little Rhody.