Rhoda Kadalie

Rhoda Kadalie (22 September 1953 – 16 April 2022) was 'n Suid-Afrikaanse menseregteaktivis en feminis.[1] Sy het rubrieke vir Die Burger[2] en vir Maroela Media geskryf.[3]

Rhoda Kadalie
Gebore(1953-09-22)22 September 1953
Kaapstad, Unie van Suid-Afrika
Sterf16 April 2022 (op 68)
Los Angeles, Kalifornië
NasionaliteitVlag van Suid-Afrika Suid-Afrika
Beroepmenseregteaktivis, feminis

Kadalie is in Kaapstad gebore en het as kind in Distrik Ses en Mowbray gewoon. Ná die wet van 1951 (wat Mowbray net vir blankes verklaar het) het sy in Athlone aan die Harold Cressy High School skool gegaan. Hier het sy verneem dat haar oupa Clements Kadalie 'n bekende vakbondleier was.

In die jare 1980 was sy 'n aktivis teen apartheid en die agterstelling van vroue aan die Universiteit van Wes-Kaapland, en het betrokke geraak by die SASO en die Swartbewussynsbeweging. In die ANC het sy bekend geword as "that little revolutionary" omrede sy feministiese eise gestel het waaroor nie gepraat kon word nie.

In die munisipale verkiesing van 2011 het sy "teësinnig" vir die DA gestem.[4]

Die kwessie dat universiteite dit ernstig oorweeg om Afrikaans se vlam te blus ter wille van 'n minderheidsgroep Afrikastudente is nie net akademies kortsigtig nie, maar ook uiters neerbuigend teenoor swart mense.[3]

Verwysings
  1. "Feminist Africa 2010". Geargiveer vanaf die oorspronklike op 4 Maart 2016. Besoek op 7 Junie 2011.
  2. Die Burger
  3. Maroela
  4. "Hoekom ek teësinnig vir die DA gestem het". Geargiveer vanaf die oorspronklike op 27 Mei 2011. Besoek op 7 Junie 2011.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.