Rho Ophiuchi

Rho Ophiuchi (ρ Ophiuchi) is ’n veelvoudige ster in die sterrebeeld Slangdraer (Ophiuchus). Die sentrale stelsel van die kompleks het ’n skynbare magnitude van 4,63.[3] Gebaseer op die sentrale stelsel se parallaks is dit sowat 360 ligjare (110 parsek) van die Son af.[2] Die ander sterre in die stelsel is effens verder geleë.[5]

Rho Ophiuchi
Die ligging van Rho Ophiuchi (in die rooi sirkel).
Die ligging van Rho Ophiuchi (in die rooi sirkel).
SterrebeeldSlangdraer
SpektraaltipeB2/3V + B2V[1]
SoortVeelvoudige ster
Waarnemingsdata (Epog J2000)
Regte klimming16h 25m 35.11766s[2]
Deklinasie-23° 26′ 49.8150″[2]
Skynmagnitude (m)4,63[3]
B-V-kleurindeks +0,24 (AB)[4]
U-B-kleurindeks -0,56 (AB)[4]
Ander name
5 Oph
ρ Oph A: HD 147933, HR 6112, HIP 80473A,
SAO 184382, CD-23° 12861A
ρ Oph B: HD 147934, HR 6113, HIP 80473,
SAO 184381, CD-23° 12861B
ρ Oph C: HIP 80474, SAO 184383,
CD-23° 12862
ρ Oph D: HD 147888, HIP 80461,
SAO 184377, CD-23° 12860
Portaal  Portaalicoon   Sterrekunde

Stelsel
Die ρ Ophiuchi-streek (N is onder): Antares is die heldergeel ster, σ Scorpii die rooi ster en Messier 4 die bolswerm tussenin. ρ Ophiuchi is die twee sterre in die blou newelagtigheid naby die middel van die foto.

Die middelste twee sterre is bekend as Rho Ophiuchi AB. Dit bestaan uit minstens twee blou subreuse of hoofreekssterre, onderskeidelik Rho Ophiuchi A en B.[5] Rho Ophiuchi AB is ’n visuele dubbelster en is skynbaar 3,1″ van mekaar af, wat ooreenstem met minstens 344 astronomiese eenhede (AE).[5] Die sterre is in werklikheid verder van mekaar af en hulle vat sowat 2 400 jaar om om mekaar te wentel.[6]

Verskeie ander sterre is naby Rho Ophiuchi AB geleë. HD 147932 is sowat 2,5 boogminute van daar (minstens 17 000 AE) en is bekend as Rho Ophiuchi C.[5] HD 147888 is 2,82 boogminute weg (minstens 19 000 AE) en is bekend as Rho Ophiuchi DE.[5] Sterre C en D is albei B-tipe hoofreekssterre,[5] en D is self ’n dubbelster met ’n wentelperiode van sowat 680 jaar.[6]

Wolkkompleks

Rho Ophiuchi verleen sy naam aan die Rho Ophiuchi-wolkkompleks. Dit is die newel van gas en stof waarin die Rho Ophiuchi-stelsel lê. Dit is een van die maklikste stervormingsgebiede om waar te neem, want dit is een van die naastes en is van albei halfronde sigbaar.[7]

Die interstellêre verdowwing (AV) van Rho Ophiuchi word gemeet as 1,45 magnitudes, wat beteken die gas en stof voor Rho Ophiuchi obsorbeer lig van die stelsel en laat dit 1,45 magnitudes dowwer lyk as wat dit behoort te wees.[8] Bowendien versprei die gas en stof lig van ’n hoër frekwensie, en dus lyk die lig rooier.

Verwysings
  1. Houk, N.; Smith-Moore, M. (1988). "Michigan Catalogue of Two-dimensional Spectral Types for the HD Stars. Volume 4, Declinations −26°.0 to −12°.0". Michigan Catalogue of Two-dimensional Spectral Types for the HD Stars. Volume 4. Bibcode:1988MSS...C04....0H.
  2. van Leeuwen, F.; et al. (2007). "Validation of the new Hipparcos reduction". Astronomy and Astrophysics. 474 (2): 653–664. arXiv:0708.1752. Bibcode:2007A&A...474..653V. doi:10.1051/0004-6361:20078357.
  3. Ducati, J. R. (2002). "VizieR Online Data Catalog: Catalogue of Stellar Photometry in Johnson's 11-color system". 2237. Bibcode:2002yCat.2237....0D. {{cite journal}}: Cite journal requires |journal= (hulp)
  4. Nicolet, B. (1964). "Catalogue of homogeneous data in the UBV photoelectric photometric system". Astronomy and Astrophysics, Supplement Series. 34: 1–49. Bibcode:1978A&AS...34....1N.
  5. Cordiner, M.A.; Fossey, S.J.; Smith, A.M.; Sarre, P.J. (2013). "Cordiner, M.A., Fossey, S.J., Smith, A.M. en Sarre, P.J. 2013, ApJ, 764, L10". The Astrophysical Journal Letters. 764: L10. arXiv:1301.6167. Bibcode:2013ApJ...764L..10C. doi:10.1088/2041-8205/764/1/L10.
  6. Novaković, B. (2007). "Orbits of Five Visual Binary Stars". Baltic Astronomy. 16: 435–442. arXiv:0712.4242. Bibcode:2007BaltA..16..435N.
  7. Wilking, B.A.; Gagné, M.; Allen, L.E. (2008). "Star Formation in the ρ Ophiuchi Molecular Cloud". Handbook of Star Forming Regions. arXiv:0811.0005. Bibcode:2008hsf2.book..351W.
  8. Shatsky, N.; Tokovinin, A. (2002). "The mass ratio distribution of B-type visual binaries in the Sco OB2 association". Astronomy and Astrophysics. 382: 92–103. arXiv:astro-ph/0109456. Bibcode:2002A&A...382...92S. doi:10.1051/0004-6361:20011542.

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.