Reuse-erdwurm

Die Reuse-erdwurm (Microchaetus rappi) is 'n gesegmenteerde wurm wat voorkom in die Debenek-gebied van die Oos-Kaap tussen King William's Town en Oos-Londen. Hierdie spesie is die langste wurm in die wêreld. Dit bereik 'n gemiddelde lengte van 1,36 m, maar die langste een wat aangetref is het 'n lengte van 6,7 m en 'n deursnee van 2 cm gehad.

Microchaetus rappi
Wetenskaplike klassifikasie
Koninkryk:
Animalia
Filum:
Annelida
Klas:
Clitellata
Orde:
Haplotaxida
Familie:
Microchaetidae
Genus:
Microchaetus
Spesie:
M. rappi
Binomiale naam
Microchaetus rappi
Benham, 1886 [1]

Daar is verskeie ander soorte reuse-wurms in hierdie gebied, soos die Proandricus skeadi en saam is hulle verantwoordelik vir die kommetjie-landskap wat hier aangetref word. Daar is ook 'n gouemolsoort wat hierdie wurms vreet en 'n plantesoort Arctotis debensis wat net in hierdie kommetjiegraslande voorkom en aanpassings besit wat verhoed dat dit begrawe word deur wurmuitwerpsels wat 'n hoogte van 24 cm kan bereik vir P. skeadi.[2]

Verwysings
  1. "Familie Microchaetidae, Michaelsen, 1921". Texas A&M University. Besoek op 12 Mei 2016.
  2. Soils of South Africa, Martin Fey, Jeff Hughes, Jan Lambrechts, Antoni Milewski, Anthony Mills Cambridge University Press, 2010, ISBN 1-139-49529-1, ISBN 978-1-139-49529-5
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.