Relatiewe digtheid

Vir vloeistowwe word die SG soos volg gedefinieer:

${\displaystyle SG={\frac {\rho _{bedryfskondisies}}{\rho _{water,4^{\circ }C}}}={\frac {\rho }{1000}}}$

Relatiewe digtheid is dimensieloos.

Byvoorbeeld, die SG van water by 100 °C is die digtheid van water by 100 °C gedeel deur die verwysingsdigtheid van 1000 kg/m³. Dus, 958/1000 = 958 kg/m³

Amerikaanse/Britse eenhede

In Amerikaanse/Britse eenhede is die SG van 'n vloeistof die digtheid daarvan in vergelyking met die digtheid van water by 60 °F (15.5556 °C), wat 998.866 kg/m³ is.[1]

Dus is die SG van water by 60 °F in Amerikaanse/Britse eenhede:

${\displaystyle SG_{water,60^{\circ }F,Amerikaans}={\frac {\rho _{w,60^{\circ }F}}{\rho _{w,60^{\circ }F}}}={\frac {998.8666\ kg/m^{3}}{998.8666\ kg/m^{3}}}=1}$

Die SG van water by 60 °F (15.556 °C) in standaardeenhede is egter in terme van water by 4 °C en is dus:

${\displaystyle SG_{water,60^{\circ }F,Standaard}={\frac {\rho _{w,15.{\dot {5}}^{\circ }C}}{\rho _{w,4^{\circ }C}}}={\frac {998.8666\ kg/m^{3}}{1000\ kg/m^{3}}}=0.9988666}$

'n Mens moet baie versigtig wees wanneer met die SG van gasse gewerk word. Sommige bronne sê dat die verwysingsdightheid die digtheid van lug by standaard temperatuur en druk (0 °C en 101.325 kPa(a)) is, met ander woorde 1.292 kg/m³ (kyk #Berekening van die digtheid van lug hieronder). Wanneer 'n mens egter die vloeimeetskyf- of beheerklepvergelyking, word die SG gedefinieer as die digtheid van die vloeier by bedryfskondisies gedeel deur die digtheid van water by 4 °C, net soos vir vloeistowwe. Met ander woorde:

${\displaystyle SG={\frac {\rho _{bedryfskondisies}}{\rho _{water,4^{\circ }C}}}={\frac {\rho }{1000}}}$

Oor die algemeen is die SG van gasse egter die digtheid van die gas by standaard temperatuur en druk (0 °C en 101.325 kPa) relatief tot die digtheid van lug by standaardkondisies. Dus speel die druk en temperatuur van die gas nie 'n rol nie. Met ander woorde:

${\displaystyle SG_{gas}={\frac {\rho _{STP}}{\rho _{lug,STP}}}}$

Die digtheid van gasse kan met die ideale gaswet bereken word:

${\displaystyle \rho ={\frac {PM}{RT}}}$

Dus is die SG van 'n gas baie eenvoudig:

${\displaystyle SG_{gas}={\frac {\rho _{STP}}{\rho _{lug,STP}}}={\frac {\frac {PM}{RT}}{\frac {PM_{lug}}{RT}}}}$

Omdat ${\displaystyle P}$, ${\displaystyle R}$ en ${\displaystyle T}$ dieselfde is bo en onder die lyn, is:

${\displaystyle SG_{gas}={\frac {\rho _{STP}}{\rho _{lug,STP}}}={\frac {\frac {PM}{RT}}{\frac {PM_{lug}}{RT}}}={\frac {M}{M_{lug}}}\approx {\frac {M}{28.96}}}$

Dus, wanneer die SG van gasse bepaal word, speel die bedryfs druk en temperatuur van die gas nie 'n rol nie.

By die bepaling van die SG van vloeistowwe speel die druk en temperatuur van die vloeistof wel 'n rol. Omdat vloeistowwe oor die algemeen baie min saampersbaar is, speel druk in elkgeval nie 'n noemenswaardige rol nie.

Die samestelling van lug is ongeveer soos volg:[2]

Volgens die ideale gaswet is die digtheid van lug by standaard temperatuur en druk dus die volgende:

${\displaystyle \rho _{lug}={\frac {PM}{RT}}={\frac {101.325\times 28.961}{8.314\times 273.15}}=1.292\ kg/m^{3}}$

• Density, Specific Weight and Specific Gravity, Engineering Toolbox
• GPA Midstream Association