Ray Swart

Ray Albert Francis Swart (Bethlehem, Vrystaat, 28 Februarie 1928) was 'n Suid-Afrikaanse politikus.

Ray Swart, 1960.

Die parlementêre koukus van die Progressiewe Party in 1960 op die trap voor die parlement afgeneem. Voor: Walter Stanford, Harry Lawrence, Boris Wilson, Jan Steytler, Helen Suzman, Colin Eglin, Owen Williams. Agter: Ray Swart, Clive van Ryneveld, John Cope, Zach de Beer, Ronald Butcher.

Hy ontvang sy opleiding in Durban, waar hy hom as prokureur bekwaam het. Op 'n baie vroeë ouderdom het hy in die politiek begin belang stel en was aanvanklik ondersteuner van die Verenigde Party, vir wie hy in 1953 as Parlementslid vir Zoeloeland verkies is.

Met die stigting van die Progressiewe Party in 1959 het hy die nuwe party se leier in Natal geword, hoewel hy sy setel in die verkiesing van 1961 verloor het. Hy was nie een van die sewe Parlementslede wat vir die party in 1974 verkies is nie, maar keer ná die verkiesing van 1977 terug as L.V. vir Musgrave in Durban. Ná die stigting van die Progressiewe Federale Party word hy partyvoorsitter.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.