Rathlin

Rathlin (afgelei van Iers: Reachlainn) is 'n eiland en civil parish langs die kus van die Noord-Ierse graafskap Antrim, geleë in die Noordkanaal. Dit is die mees noordelike punt van Noord-Ierland en sy enigste bewoonde see-eiland met 'n bevolking van sowat 150.

Rathlin
Inheemse naam: Rathlin Island (Engels), Reachlainn (Iers), Racherie (Ulster-Skots)
'n Valskleurfoto van Rathlin wat as deel van NASA se Landsat-program geneem is, met die kus van die graafskap Antrim in die suide, en die suidpunt van die Skotse Kintyre-skiereiland in die ooste
'n Valskleurfoto van Rathlin wat as deel van NASA se Landsat-program geneem is, met die kus van die graafskap Antrim in die suide, en die suidpunt van die Skotse Kintyre-skiereiland in die ooste
Geografie
LiggingNoordooskus van Ierland
Koördinate55°17′32″N 6°11′30″W

Hoogste puntSlieveard
Administrasie
Vlag van Verenigde Koninkryk Verenigde Koninkryk
LandsdeelNoord-Ierland

Demografie
Bevolking154
BevolkingsgroepeNoord-Iere

Rathlin het vanweë sy geografiese ligging historiese en kulturele bande met Noord-Ierland en Skotland en het oorspronklik deel uitgemaak van die koninkryk Dál Riata.

Geografie
Rathlin se klein seehawe
Rathlin gesien vanuit die Mull of Kintyre in Skotland

Rathlin, 'n eiland van vulkaniese oorsprong, is die mees noordelike van die bewoonde eilande van Ierland. Dit het die vorm van 'n omgedraaide L en strek oor 'n afstand van vier myl (ses kilometer) in oos-westelike rigting, en 2,5 myl (vier kilometer) in noord-suidelike rigting langs die noordooskus van Ierland. Rathlin is net 15,5 myl (of 25 km) wes van die Mull of Kintyre af geleë, die suidpunt van Skotland se Kintyre-skiereiland. Die naaste landmassas in die suide is die graafskap Antrim, die Inishowen-skiereiland in die Ierse graafskap Donegal in die weste, en die eiland Islay (wat deel uitmaak van die Hebride-eilandgroep) in die noorde.

Die hoogste punt op Rathlin is Slieveard, 440 voet (of 134 meter) bo seevlak.

Administratief val die eiland onder die Causeway Coast and Glens-distriksraad. Die grootste deel van Rathlin is in privaat besit en word vir boerderydoeleindes gebruik. Die eiland beskik oor 'n moderne infrastruktuur met vervoer- en kommunikasiegeriewe sowel as toeristefasiliteite.

Eksterne skakels
Webtuiste van die eilandgemeenskap
Toerisme
Media
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.