Raquel Welch

Raquel Welch (née Tejada; 5 September 1940 — 15 Februarie 2023) was 'n Amerikaanse aktrise, model en rolprentvervaardiger.

Raquel Welch
'n Beeld van die betrokke persoonlikheid.
Geboortenaam Jo Raquel Tejada
Geboorte 5 September 1940
Chicago, Illinois, Verenigde State
Sterfte 15 Februarie 2023 (op 82)
Los Angeles, Kalifornië, Verenigde State
Nasionaliteit Amerikaner
Kinders 2, insluitende Tahnee Welch
Beroep(e) Aktrise en vervaardiger
Aktiewe jare 1964—2023
Internet-rolprentdatabasis-profiel

Welch het eers aandag getrek vir haar rol in Fantastic Voyage (1966), waarna sy 'n kontrak by 20th Century Fox gewen het. Hulle het haar kontrak aan die Britse ateljee Hammer Film Productions geleen, vir wie sy One Million Years BC (1966) gemaak het. Alhoewel Welch slegs drie reëls van dialoog in die film gepraat het, het beelde van haar in die bokvel-bikini topverkoperplakkate geword wat haar in 'n internasionale sekssimbool verander het. Sy het later in Bedazzled (1967), Bandolero! (1968), 100 Rifles (1969), Myra Breckinridge (1970), Hannie Caulder (1971), Kansas City Bomber (1972), The Last of Sheila (1973), The Three Musketeers (1973), The Wild Party (1975), en Mother, Jugs & Speed (1976). Sy het verskeie spesiale televisiereekse gemaak.

Deur haar uitbeelding van sterk vroulike karakters, wat haar gehelp het om die vorm van die tradisionele sekssimbool te breek, het Welch 'n unieke filmpersoonlikheid ontwikkel wat haar 'n ikoon in die 1960's en 1970's gemaak het. Haar opkoms tot sterstatus is deels toe te skryf aan die beëindiging van Hollywood se kragtige bevordering van die blonde bom.[1][2][3] Haar liefdestoneel-uitbeelding met Jim Brown se karakter in die 1969-film 100 Rifles het ook filmgeskiedenis gemaak met hul uitbeelding van interrassige intimiteit.[4] Sy het in 1974 'n Golden Globe-toekenning vir beste rolprentaktrise in 'n musiekblyspel of komedie gewen vir haar vertolking in The Three Musketeers. Sy is ook genomineer vir 'n Golden Globe-toekenning vir beste aktrise in televisiefilm vir haar vertolking in die film Right to Die (1987). Haar laaste film was How to Be a Latin Lover (2017). In 1995 is Welch deur die tydskrif Empire as een van die "100 Sexiest Stars in Film History" gekies. Playboy het Welch as nr. 3 op hul "100 Sexiest Stars of the Twentieth Century" gelys.

Welch in 1968

Vroeë lewe

Welch is as Jo Raquel Tejada op 5 September 1940, in Chicago, Illinois gebore. Sy was die eerste kind van Armando Carlos Tejada Urquizo en Josephine Sarah Hall.[5] Haar pa, Armando Tejada, was 'n lugvaartingenieur van La Paz, Bolivië, seun van Agustin Tejada en Raquel Urquizo.[6] In 2010 tydens die vrystelling van haar memoires Raquel: Beyond the Cleavage, het Welch 'n onderhoud gevoer op die geselsprogram Tavis Smiley, en gesê: "My pa het van 'n land genaamd Bolivië gekom. Hy was van Spaanse afkoms."[7][8]

Welch by die 39ste Emmy-toekennings-goewerneursbal in September 1987

Die gesin het van Illinois na San Diego, Kalifornië, verhuis toe Welch twee jaar oud was. As 'n jong meisie het Welch die begeerte gehad om 'n kunstenaar en vermaaklikheidster te wees. Sy het op sewejarige ouderdom ballet begin studeer, maar ná tien jaar se studie het sy die kuns op sewentien verlaat toe haar instrukteur vir haar gesê het sy het nie die regte liggaamstipe vir professionele balletgeselskappe nie.[9] Op 14-jarige ouderdom het sy skoonheidstitels as Miss Photogenic en Miss Contour gewen.[10] Terwyl sy La Jolla Hoërskool bygewoon het, het sy die titel van Mej La Jolla en die titel van Mej San Diego gewen – "The Fairest of the Fair" – by die San Diego County Fair.[11] Hierdie lang reeks skoonheidskompetisies het uiteindelik gelei tot die staatstitel van Maid of California. Haar ouers is geskei toe sy haar skooljare voltooi het.[12]

Sterfte

Welch is op 15 Februarie 2023 by haar huis in Los Angeles aan hartstilstand dood. Sy was 82. Ten tyde van haar dood het Welch ook aan Alzheimersiekte gely.[13][14][15]

Nalatenskap

Welch het gehelp om die Amerikaanse vroue-ideaal in sy huidige toestand te omskep. Haar pragtige voorkoms en erotiek het haar die definitiewe seksikoon van die 1960's en 1970's gemaak, eerder as die blonde bom van die laat 1950's soos getipeer deur Marilyn Monroe, Jayne Mansfield en ander. Welch het in die middel-1960's 'n ster geword en was eksoties, donkerkop en smeulend seksueel.[16][17] Haar tallose publisiteitsfoto's het gehelp om haar beeld, rokstyl en modetendense van die 1960's en 1970's gewild te maak. Welch en ander aktrises het groot hare ook gewild gemaak.

Filmografie
  • Sien Bespreking:Raquel Welch

Verwysings
  1. Longworth, Karina. (October 21, 2014). "Raquel Welch, From Pin-up to Pariah" Geargiveer 2 Junie 2017 op Wayback Machine You Must Remember This. Retrieved December 1, 2016.
  2. Öncü, Ece. (February 9, 2012). Spend the Weekend with Raquel Welch and Film Society Geargiveer 23 September 2015 op Wayback Machine Film Society of Lincoln Center Retrieved August 5, 2015.
  3. Heavey, John. (February 23, 2012). Video: Two Conversations with Raquel Welch Geargiveer 23 September 2015 op Wayback Machine Film Society of Lincoln Center Retrieved August 2015.
  4. Freeman, Mike (19 Mei 2023). "Jim Brown was a Hollywood legend, an activist and highly flawed. 'I do what I want to do'". USA Today.
  5. Raquel Welch Beyond the Cleavage: Quote: "I was born in 1940 in the Windy City, Chicago. Not ideal for a new-born baby girl." Verkry 17 Maart 2020.
  6. "Armando Tejada in Brazil, Rio de Janeiro immigration cards 1900: (Agustin Tejada and Raquel Urquizo)". Geargiveer vanaf die oorspronklike op 6 Augustus 2020. Besoek op 17 Maart 2020.
  7. "Tavis Smiley". 20 April 2010. Besoek op 17 Maart 2020.
  8. "In 1958 interview 18-year-old Raquel had heart set on professional acting career". The San Diego Union-Tribune. 24 Junie 1958. Besoek op 21 Mei 2023. She favors her father, Armand C. Tejada, and aircraft engineer and native of Bolivia. His parents went to Bolivia from Spain. Her mother, the former Josephine Hall, is blond, English and American with ancestors traced to colonial times.
  9. Avery, Susan (10 Julie 2010). "Raquel Welch, Reluctant Sex Symbol, Talks About Making Amends With Her Kids". ParentDish.com. Geargiveer vanaf die oorspronklike op 16 Mei 2010. Besoek op 10 Julie 2010.
  10. Otfinoski, Steven (2007). Latinos in the arts. Infobase Publishing. p. 243. ISBN 978-0-8160-6394-9.
  11. Welch, Diane (19 Maart 2006). "The way we were – 'Fairest of the Fair' part of Del Mar's history". The San Diego Union-Tribune. Geargiveer vanaf die oorspronklike op 16 Junie 2011. Besoek op 16 Junie 2011.
  12. Welch, Raquel. (2010). Raquel Welch: Beyond the Cleavage. New York: Weinstein Books. pp. 3–28.
  13. "Raquel Welch, legendary bombshell actress, dies at 82 after brief illness". ABC7 Los Angeles (in Engels). 15 Februarie 2023. Geargiveer vanaf die oorspronklike op 15 Februarie 2023. Besoek op 15 Februarie 2023.
  14. Smith, Harrison; Rosenwald, Michael S.; Langer, Emily (15 Februarie 2023). "Raquel Welch, 1960s film star and sex symbol, dies at 82". The Washington Post. Besoek op 21 Februarie 2023.
  15. "Raquel Welch Died From Cardiac Arrest, Also Had Alzheimer's Disease". TMZ. 4 April 2023. Besoek op 4 April 2023.
  16. Mansour, David. (2005). From Abba to Zoom: A Pop Culture Encyclopedia of the Late 20th Century. Kansas City, MO: Andrews McMeel Publishing, p. 522.
  17. Lisanti, Tom & Paul, Louis. (2002). Film Fatales: Women in Espionage Films and Television, 1962–1973. Jefferson, NC: McFarland & Company, p. 304.

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.