Río Uruguay
Die Río Uruguay (Spaans: [uɾuˈɣwai], Guaraní: Ysyry Uruguái, Portugees: Rio Uruguai [uɾuˈɡwaj]), is 'n groot suidwes-vloeiende rivier in Suid-Amerika. Die rivier, met 'n lengte van 1 838 km, is die tweede grootste sytak van die Río Paraná. Die naam van die rivier beteken "Rivier van die kleurvolle voël".
| Río Uruguay – Rio Uruguai | |
|---|---|
 Die Río Uruguay naby Misiones, Argentinië. | |
 Die stroomgebied van die Río Uruguay. | |
| Oorsprong | Serra Geral, Santa Catarina (Brasilië) |
| Monding | Río de la Plata naby Buenos Aires, Argentinië (Atlantiese Oseaan) |
| Stroomgebied | Brasilië, Argentinië en Uruguay |
| Lengte | 1 838 km (1 140 myl)[1] |
| Oorspronghoogte | 1 800 m (5 906 voet) |
| Mondinghoogte | 0 m (0 voet) |
| Gemiddelde afloop | 5 500 m³/s (194 000 ft³/s)[2] |
| Stroomgebiedopp. | 365 000 km² (140 000 myl²)[2] |
 Kaart van die Río de la Plata-bekken in Suid-Amerika. | |
Die Río Uruguay ontspring in die Brasiliaanse Bergland in die deelstaat Santa Catarina. Dit vorm aansluitend die grens tot die deelstaat Rio Grande do Sul en later die grens tussen Argentinië en Brasilië. Op die laaste 300 km vorm die rivier die grens tussen Argentinië en Uruguay, wat sy naam van die rivier aflei: "Republiek Oos van die Uruguay". Saam met die Río Paraná mond die rivier uit in die Rio de la Plata, wat naby Buenos Aires in die Atlantiese Oseaan uitmond.
Verwysings
- "Río de la Plata" (in Engels). Encyclopædia Britannica. Geargiveer vanaf die oorspronklike op 9 Mei 2015. Besoek op 11 Februarie 2015.
- (en) Varis, Olli; Tortajada, Cecilia; Biswas, Asit K. (2008). Management of Transboundary Rivers and Lakes. Springer. p. 272. ISBN 978-3-540-74926-4.
Wikimedia Commons het meer media in die kategorie Río Uruguay.