Río Ucayali

Die Río Ucayali (Spaans: [ˈri.o ukaˈʝali]) is die tweede grootste sytak van die Amasonerivier in Suid-Amerika. Dit is saam met die Río Marañón een van twee bronriviere van die Amasonerivier. Die rivier, met 'n lengte van 1 460 km, is die tweede langste rivier, wat uitsluitlik deur Peru vloei. Die Río Ucayali vloei deur hooggebergte, half-woestyn valleie, asook subtropiese en tropiese reënwoud.

Río Ucayali
Saamvloei van Río Tambo (voor) en Río Urubamba (regs) tot Río Ucayali (bo links). Saamvloei van Río Tambo (voor) en Río Urubamba (regs) tot Río Ucayali (bo links).
Die stroomgebied van die Río Ucayali.
Oorsprong	Saamvloei van die Río Tambo en die Río Urubamba in die Andes naby Atalaya (Peru)
Monding	saamvloei met die Río Marañón Amasonerivier
Stroomgebied	Peru
Lengte	1 460 km (907 myl)[1]
Mondinghoogte	88 m
Gemiddelde afloop	13 500 m³/s[2]
Stroomgebiedopp.	337 519 km²

Kaart wat die saamvloei van die Río Tambo en die Río Urubamba asook die Río Ucayali se boloop in die Peruaanse Andes vertoon

Die Río Ucayali in Atalaya, Peru

Die Río Ucayali in Pucallpa, Peru

Die Río Ucayali ontstaan deur die saamvloei van die Río Tambo en die Río Urubamba in die Peruaanse Andes, sowat 110 km noordwes van die Titicacameer. Aansluitend vloei die rivier oos van die Andes in noordelike rigting parallel tot die grens van Brasilië. Naby die ewenaar net wes vanaf die grens tot Brasilië vloei die rivier met die uit oostelike rigting komende Río Marañón saam en die hoofloop van die Amasonerivier ontstaan, vanaf hier ook Rio Solimões genoem.