Quigleyskaal

Die Quigleyskaal is ’n beskrywende, visuele stelsel van fenotipiese gradering wat sewe grade gebruik tussen "ten volle vermanlikte" en "ten volle vervroulikte" geslagsdele. Dit is in 1995 deur die pediatriese endokrinoloog Charmian A. Quigley et al. voorgestel.[1] Dit is soortgelyk aan die Praderskaal en word gebruik om geslagsorgane te beskryf in gevalle van androgene-insensitiwiteitsindroom, insluitende algehele, gedeeltelike en ligte insensitiwiteit.[2][3]

Grade
Die Quigleyskaal vir androgene-insensitiwiteitsindroom.

Die eerste ses grade van die skaal, 1 tot 6, dui die mate van genitale vermanliking aan. Graad 1 dui op ten volle vermanlikte uitwendige geslagsdele en ligte androgene-insensitiwiteitsindroom. Grade 6 en 7 dui op ten volle vervroulikte uitwendige geslagsdele en algehele androgene-insensitiwiteitsindroom.[1]

Grade 2 tot 5 dui die grade van afnemende vermanliking aan,[1] wat ooreenstem met gedeeltelike androgene-insensitiwiteitsindroom.

Graad 7 kan tot met puberteit nie van graad 6 onderskei word nie, en daarna deur die teenwoordigheid van sekondêre dik en lang (terminale) hare. Graad 6 is van toepassing as sekondêre terminale hare aanwesig is, en graad 7 as dit afwesig is.[1]

Die skaal is redelik omstrede omdat die begrip dat atipiese geslagsdele noodwendig abnormaal is, betwis word. In 2015 het die Raad van Europa se hoë kommissaris vir menseregte aanbeveel dat die mediese klassifikasies van variasies van geslagseienskappe hersien word.[4]

Sien ook

Verwysings
  1. Quigley CA, De Bellis A, Marschke KB, el-Awady MK, Wilson EM, French FS (Junie 1995). "Androgen receptor defects: historical, clinical, and molecular perspectives". Endocr. Rev. 16 (3): 271–321. doi:10.1210/edrv-16-3-271. PMID 7671849.
  2. Galani A, Kitsiou-Tzeli S, Sofokleous C, Kanavakis E, Kalpini-Mavrou A (2008). "Androgen insensitivity syndrome: clinical features and molecular defects". Hormones (Athene). 7 (3): 217–29. doi:10.14310/horm.2002.1201. PMID 18694860.
  3. Sultan C, Paris F, Terouanne B, Balaguer P, Georget V, Poujol N, Jeandel C, Lumbroso S, Nicolas JC (2001). "Disorders linked to insufficient androgen action in male children". Hum. Reprod. Update. 7 (3): 314–22. doi:10.1093/humupd/7.3.314. PMID 11392378.
  4. Council of Europe; Commissioner for Human Rights (April 2015). "Human rights and intersex people, Issue Paper" (PDF).

Skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.