Queen’s Park-ovaal

Die Queen’s Park-ovaal is 'n sportstadion in Port of Spain, Trinidad en Tobago, wat meestal vir krieketwedstryde gebruik word. Dit het in 1896 geopen. Dit word privaat besit deur die Queen’s Park-krieketklub en is tans die tweede grootste kapasiteitkrieketveld in die Wes-Indiese Eilande met sitplek vir ongeveer 20 000.[1]

Bangladesj teen Indië tydens die Krieketwêreldbeker 2007

Queen’s Park-ovaal
Bynaam	The Oval
Ligging	Port of Spain, Trinidad en Tobago
Koördinate	10°40′2.59″N 61°31′25.32″W
Eienaar	Queen’s Park-krieketklub
Kapasiteit	20 000
Oppervlak	Gras
Konstruksie
Geopen	1896
Huurders
Trinidad en Tobago (1896–hede) Trinbago Knight Riders (2013–hede)

Dit het meer toetswedstryde as enige ander veld in die Karibiese Eilande aangebied met 60 sedert Januarie 2018, en het ook 'n aantal Internasionale eendagwedstryde (EDIs) aangebied, insluitende heelwat Wêreldreekskrieketwedstryde in 1979 en ses wedstryde tydens die Krieketwêreldbeker 2007. Die Trinidad en Tobago-krieketspan speel die meeste van hul tuiswedstryde op die veld,[2] en dit is die tuisveld van die Karibiese Premierliga-span Trinbago Knight Riders.

Menige spelers, joernaliste en kritici beskou dit as een van die mees skilderagtige krieketvelde,[2][3][4][5] Die stadion het die eerste keer 'n toetswedstryd in Februarie 1930 aangebied toe Engeland deur die Karibiese Eilande getoer het, hoewel dit voorheen ook 'n gasheer was vir heelparty eersterangse toere, so vroeg as die 1897-toer onder Lord Hawke.[2] Die paviljoen dateer terug na 1896, al was daar uitgebreide opknappings in die 1950's en in 2007 voor die krieketwêreldbekertoernooi en ná 'n aardbewing.[6][7] Die "Concrete Stand" is herdoop na die "Learie Constantine Stand" ter erkenning aan 'n voormalige Wes-Indiese krieketspeler. Die eerste eendagwedstryd op die veld is in Maart 1983 gespeel, en die eerste T20I in 2009.[2]

Bo en behalwe die hoofkrieketstadion sluit die fasiliteit 'n gimnasium, binne- en buite-krieketoefennette, twee muurbalbane en twee tennisbane in. Die krieketveld is ook gebruik om verskeie plaaslike en internasionale sokkerwedstryde, asook musiekgeleenthede aan te bied.