Qacha's Nek
Qacha's Nek is 'n dorp in Lesotho, slegs twee kilometer van die Suid-Afrikaanse grens. Dit is sedert 1888 die hoofstad (kampdorp) van Lesotho se Qacha's Nek-distrik. Die dorp is 1 980 meter bo seevlak en het 'n bevolking van ongeveer 8 000 mense (2004).
Qacha's Nek | |
|---|---|
Kampdorp | |
 Strate van Qacha's Nek. | |
  Qacha's Nek | |
| Koördinate: 30°7′0″S 28°41′0″O | |
| Land |  Lesotho |
| Distrik | Qacha's Nek |
| Hoogte | 1 980 m (6 500 ft) |
| Bevolking | |
| • Totaal | 8 000 |
| Tydsone | UTC+2 (SAST) |
Klimaat
Die dorp ontvang gemiddeld sowat 900 mm reën per jaar - die hoogste reënvalgemiddeld van al die distrikhoofstede van Lesotho. Dik wolke rol daagliks in vanaf die Indiese Oseaan, sodat dit gereeld mistig word in Qacha’s Nek. In die somer styg die dagtemperatuur gemiddeld tot slegs 17 °C, terwyl dit in die hoofstad Maseru heelwat warmer op 24 °C is.
Infrastruktuur
Daar bestaan geen teerpaaie wat vanaf Qacha’s Nek na die res van Lesotho strek nie. 'n Lughawe maak wel lugverbindings moontlik na en van Maseru.
Die enigste hospitaal in die distrik is in Qacha’s Nek te vinde.
Sien ook
- Grenspos: Qachasnek
- Grensposte van Suid-Afrika
Eksterne skakels
- Toerisme-inligting oor Qacha's Nek op Wikivoyage