Ptolemeus III Euergetes

Ptolemeus III Euergetes (bewind: 246–222 v.C.) was die derde koning van Antieke Egipte se Ptolemeïese Ryk.

Ptolemeus III Euergetes
Ptolemeus, Ptolemaios
’n Goue muntstuk met Ptolemeus III se kop wat deur sy seun, Ptolemeus IV, laat munt is.
Koning van Egipte
Periode	246–222 v.C.
Voorganger	Ptolemeus II Philadelphus
Opvolger	Ptolemeus IV Philopator
Vader	Ptolemeus II Philadelphus
Moeder	Arsinoe I
Portaal    Antieke Egipte

’n Standbeeld van Ptolemeus III as Hermes.

Hy was die oudste seun van Ptolemeus II Philadelphus en sy eerste vrou, Arsinoe I, en het in 246 v.C. aan die bewind gekom ná sy pa se dood. Hy was met Berenike II getroud.

Ptolemeus III was verantwoordelik vir die eerste bekende voorbeeld van ’n reeks verordeninge wat hy in twee tale laat publiseer het. Dit is in 218 v.C. opgevolg deur die Verordening van Memphis van sy seun, Ptolemeus IV, en in 196 v.C. deur die beroemde Rosettasteen van sy kleinseun, Ptolemeus V.