Prins Arthur, Hertog van Connaught en Strathearn

Prins Arthur, die Hertog van Connaught en Strathearn (Arthur William Patrick Albert; 1 Mei 1850 – 16 Januarie 1942) was die derde seun en sewende kind van koningin Victoria van die Verenigde Koninkryk en prins Albert van Sakse-Koburg en Gotha. Hy was van 1911 tot 1916 goewerneur-generaal van Kanada.

Prins Arthur
Die Hertog van Connaught en Strathearn

Volle naam Arthur William Patrick Albert
Eggenote Prinses Louise Margaret van Pruise
Kinders Margaret, kroonprinses van Swede
Prins Arthur van Connaught
Lady Patricia Ramsay
Huis Sakse-Koburg en Gotha
Vader Albert van Sakse-Koburg en Gotha
Moeder Victoria van die Verenigde Koninkryk
Gebore 1 Mei 1850; Buckingham-paleis, Londen
Oorlede 16 Januarie 1942; Bagshot Park, Surrey

As die seun van ’n Britse monarg het hy van geboorte af die titel SKH prins Arthur gehad. Hy het in 1874 die Hertog van Connaught en Strathearn en die Graaf van Sussex geword.

In Suid-Afrika
In 1922 is die amptelike opening van Chapmanspiek-rylaan deur die hertog behartig

In 1910 het Arthur na Suid-Afrika gereis aan boord van die Balmoral Castle, ’n skip van die Union-Castle-Redery, om die eerste parlement van die nuutgestigte Unie van Suid-Afrika te open.[1] Op 30 November 1910 het hy ’n gedenksteen by die Suid-Afrikaanse Nasionale Museum vir Militêre Geskiedenis in Johannesburg gelê ter herdenking aan die Britse soldate wat in die Anglo-Boereoorlog gesterf het.[2]

Van 1912 tot met sy dood in 1942 was Arthur opperkolonel van die Kaapstadse Hooglanderregiment.[3]

Huwelik
Prins Arthur en sy eggenote tydens die opening van die Unieparlement in 1910.

Op 13 Maart 1879 is Arthur in Sint George-kapel in Windsor-kasteel getroud met prinses Louise Margaret van Pruise, die dogter van prins Friedrich Karl van Pruise. Hulle het drie kinders gehad: Margaret, kroonprinses van Swede, prins Arthur van Connaught en Lady Patricia Ramsay.

Dood

Arthur het in 1928 uit die openbare lewe getree en is 14 jaar later, in 1942, op 91-jarige ouderdom in Bagshot Park, Surrey, dood. Hy was die laaste oorlewende seun van koningin Victoria.

Verwysings
Hierdie artikel is merendeels vertaal vanaf die Engelse Wikipedia-artikel en:Prince Arthur, Duke of Connaught and Strathearn
  1. Cox, Martin. "Union-Castle Line – A brief Company History" (in Engels). Maritime Matters. Geargiveer vanaf die oorspronklike op 14 April 2010. Besoek op 28 Augustus 2008.
  2. "The Anglo-Boer War Memorial at the Museum of Military History" (in Engels). The All at Sea Network. Geargiveer vanaf die oorspronklike op 29 April 2013. Besoek op 28 Augustus 2008.
  3. "History – Past Royal Connections" (in Engels). Cape Town Highlanders (Nie-amptelik). Geargiveer vanaf die oorspronklike op 29 September 2018. Besoek op 28 Augustus 2008.
  • Scouting Round the World, John S. Wilson, eerste ed., Blandford Press 1959 p. 81

Eksterne skakel
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.