Preah Ko

Preah Ko (Khmer: ប្រាសាទព្រះគោ, "Die Heilige Bul") was die eerste tempel wat in die antieke stad Hariharalaya (in die gebied wat nou Roluos heet) gebou is, sowat 15 km suidoos van die hoofgroep tempels in Angkor, Kambodja. Die tempel is in 879 deur koning Indravarman I van die Khmer-ryk laat bou om sy familie te vereer, waardeur hulle met die Hindoe-god Shiva verbind is.[1]

Preah Ko
Koördinate13°20′38″N 103°58′22″O
Plaaslike naam ប្រាសាទព្រះគោ
Land Kambodja
SoortHindoe-tempel
StreekRoluos
Geskiedenis
BouerIndravarman I
Gestig879 (voltooi)
TydperkMiddeleeue
KultureKhmer-ryk

Die terrein

Preah Ko bestaan uit ses steentorings wat in twee rye van drie elk gerangskik is. Die torings staan op platforms van sandsteen. Hulle kyk oos, en die een middel voor is die hoogste. Die terrein is gewy aan drie vergoddelikte voorvaders van Indravarman en hul vroue. Die toring middel voor is opgedra aan Jayavarman II, stigter van die Khmer-ryk.[1] Die een links is opgedra aan Prithivindreshvara, koning Indravarman se pa, en die een regs aan Rudreshvara, sy oupa. Die agterste drie torings is opgedra aan hul onderskeie vroue.[2] Die sentrale torings het almal beelde van Shiva op.[3]:354–356

Verwysings
  1. art-and-archaeology.com
  2. Ohio State University Geargiveer 6 September 2006 op Wayback Machine
  3. Higham, C., 2014, Early Mainland Southeast Asia, Bangkok: River Books Co., Ltd., ISBN 9786167339443

Eksterne skakels

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.