Pous Marcellus I

Pous Marcellus I volg Pous Marcellinus op in Mei of Junie 308 na 'n sedis vacatio van vier jaar (die langste in die geskiedenis) en regeer tot sy dood op 16 Januarie 309. Hy word opgevolg deur Pous Eusebius. Die naam ‘Marcellus’ beteken ‘gewy aan die (Romeinse) god Mars’.

Na die vervolgings van Diocletianus vind Pous Marcellus die kerk in groot wanorde. Marcellus het die kerk in Rome administratief verdeel in 25 distrikte en het 'n ouderling (presbiter) oor elkeen aangestel. Hy voer die selibaat vir priesters in. Tydens die vervolgings het baie Christene hulle geloof versaak en wou nou weer tot die kerk toegelaat word. Die kwessie van boetedoening het ernstige onmin in die kerk veroorsaak. Keiser Maxentius het die pous laat arresteer en uit Rome verban aan die einde van 308 of die begin van 309. Marcellus is dood kort nadat hy Rome verlaat het. Hy is begrawe in die katakombe van Sint Priscilla.

Pous Marcellus word as heilige vereer en sy feesdag is op 16 Januarie in die Rooms-Katolieke Kerk en op 7 Junie in die Oosters-Ortodokse Kerk. Sy relieke word bewaar onder die altaar van San Marcello al Corso in Rome.

• Davis, R. (2001) Book of the Pontiffs (English Translation of the Liber Pontificalis) Liverpool University Press. ISBN 0-85323-545-7
• Liber Pontificalis, ed. Louis Duchesne, I, 164-6; cf. Introduction, xcix-c; Acta SS., Jan., II, 369
• Joseph Langen, Geschichte der Römischen Kirche I, 379 sqq.
• Paul Allard, Histoire des persécutions, V, 122-4
• Louis Duchesne, Histoire ancienne de l'Église, II, 95-7.
• Jacques de Voragine, La Légende dorée, Bibliothèque de la Pléiade, Gallimard, 2004, publication sous la direction d'Alain Boureau.

Wikimedia Commons bevat media in verband met Marcellus I.

• BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)
• CE Inskrywing in die Catholic Encyclopedia (Engels)

Saamgestel uit die Nederlandse, Engelse, Duitse en Franse wiki’s.