Pous Innocentius V

Pous Innocentius V was die 185ste pous van die Rooms-Katolieke Kerk in 1276 van 21 Januarie tot 22 Junie.

Pous Innocentius V
Geboortenaam Pierre de Tarentaise
Pontifikaat begin 21 Januarie 1276
Pontifikaat eindig 22 Junie 1276
Voorganger Gregorius X
Opvolger Adrianus V
Gebore ± 1224
Tarentaise, Frankryk
Sterf 22 Junie 1276
Rome, Italië
Ander pouse genaamd Innocentius
Geseënde Pous Innocentius V
Gebore ± 1224, Tarentaise, Frankryk
Sterfte 22 Junie 1276, Rome, Italië
Vereer in Rooms-Katolieke Kerk
Saligverklaring 9 Maart 1898, Rome, Koninkryk van Italië deur Pous Leo XIII
Feesdag 22 Junie
Attribute Dominikaanse klere, pouslike klere, pouslike tiara, boek

Biografie

Pous Innocentius V[1] is gebore as Pierre de Tarentaise ongeveer in 1224 in Tarentaise, (teenswoordig Moûtiers in die departement Savoie) Frankryk. Ongeveer in 1240 word hy 'n Dominikaanse monnik in Lyon, hy is die eerste Dominikaan om pous te word. Hy studeer teologie in Parys aan die Sorbonne Universiteit en word ook dosent. In 1272 word hy aartsbiskop van Lyon en in 1273 kardinaal-biskop van Ostia. Hy het prominent deel geneem aan die tweede konsilie van Lyon. Op 21 Januarie 1276 volg hy Pous Gregorius X op en regeer tot sy dood op 22 Junie 1276. Hy word opgevolg deur Pous Adrianus V. Die naam ‘Innocentius’ beteken 'onskuldige'.

Pontifikaat

Pous Innocentius V[2] het min vermag in sy kort pontifikaat. Hy was egter 'n vredemaker. Hy het probeer om die Welfe en die Ghibellyne in Italië te versoen, het vrede bewerkstellig tussen die stede Pisa en Lucca en het bemiddel tussen Karel van Anjou en Rudolf van Habsburg. Hy het ook probeer om die Roomse Kerk met die Oosters-Ortodokse Kerk te herenig. Hy het met keiser Michael VIII Paleologus gekorrespondeer en afgevaardigdes na Konstantinopel gestuur. Hy is egter gedwarsboom deur Karel van Anjou wat die briewe dikteer het en die taal sodanig beïnvloed het dat dit vir die keiser as beledigend geklink het. Die pous se bynaam was "famosissimus doctor" (die beroemdste doktor).

Verering

Pous Innocentius V is op 9 Maart 1898 deur Pous Leo XIII salig verklaar. Sy feesdag is op 22 Junie.

Bibliografie
  • Duff, Eamon (2001). Saints and Sinners: A History of the Popes, Yale University Press. ISBN 0300091656.
  • Maxwell-Stuart, P. G. (2002). Chronicle of the Popes: The Reign-by-Reign Record of the Papacy from St. Peter to the Present, Thames & Hudson. ISBN 0500017980.

Verwysings
  1. Innocent V Blessed. (2008). Encyclopædia Britannica. Deluxe Edition. Chicago: Encyclopædia Britannica.
  2. Weber, N. (1910). Pope Bl. Innocent V. In The Catholic Encyclopedia. New York: Robert Appleton Company. Besoek op 19 September 2008 by: http://www.newadvent.org/cathen/08018a.htm

Eksterne skakels
  • BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)
  • PTA Inskrywing in "Popes through the Ages" deur J. Brusher S.J. (Engels)

Nota

Saamgestel en vertaal uit die Nederlandse, Engelse, Duitse en Franse wikipedia en aangevul uit ander bronne soos aangedui.

Opvolging
Voorafgegaan deur
Gregorius X		 Pous (Pontifex Maximus)
1276 – 1276		 Opgevolg deur
Adrianus V
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.