Portsmouth

Portsmouth
Portsmouth
	Stad
	Uitsig oor die stad
	Vlag
	Byname: Pompey
	Leuse(s): Heaven's Light Our Guide
	Portsmouth
	Koördinate:
Land	Verenigde Koninkryk
Land	Engeland
Graafskap	Hampshire
Oppervlak
• Stad	40,25 km2 (15,54 vk. myl)
Hoogte	12 m (39 ft)
Bevolking
• Stad	206,836
• Digtheid	5 139/km2 (13 310/vk. myl)
• Stedelik	855,569
• Metro	1,547,000
Tydsone	UTC+00:00 (MGT)
• Somertyd	UTC+01:00 (BST)
Skakelkodes	023
Webwerf	www.portsmouth.gov.uk

Portsmouth (uitgespreek /ˈpɔːtsməθ/) is die tweede grootste stad (naas Southampton) in die seremoniële graafskap Hampshire aan die suidkus van Engeland. Soos Southampton, is Portmouth om administratiewe doeleindes 'n unitêre gesag (unitary authority). Portsmouth is uniek weens die feit dat dit die Verenigde Koninkryk se enigste eilandstad is, dit is hoofsaaklik op Portsea-eiland geleë.[1] Dit lê 103 km (64 myl) suidwes van Londen en 31 km (19 myl) suidoos van Southampton.

Bevolkingsdigtheid

Die Stad van Portsmouth het 'n bevolking van 209 166 en is die enigste stad in Engeland met 'n groter bevolkingsdigtheid (5 145/ km²) as Londen (4 984/km²). Portsmouth vorm deel van die Suid-Hampshire beboude gebied, wat Southampton, Havant, Eastleigh, Fareham en Gosport insluit; dit is die 6de grootste stedelike gebied in Engeland en die grootste in Hampshire, met 'n geskatte 860,000 inwoners volgens die 2011-sensus.[2] Hierdie gebied vorm die middelpunt van een van die Verenigde Koninkryk se digbevolkste stedelike gebiede met 'n bevolking van meer as 'n miljoen.[3]

Vloothawe

Portsmouth is reeds vir eeue lank 'n belangrike vloothawe en beskik oor die wêreld se oudste droogdok wat steeds in gebruik is. Dit was die tuishawe van 'n paar bekende outydse skepe, insluitend die HMS Warrior, die Tudorkarrak Mary Rose en Lord Nelson se vlagskip, HMS Victory. Hoewel die vlootbasis nou kleiner is as in sy fleur, is dit steeds 'n groot skeepswerf en basis vir die Britse Vloot en huisves die Royal Marine-kommando se hoofkantoor. Dit dien ook as 'n vooruitstrewende kommersiële skeeps- en veerboothawe vir bestemmings op die vasteland se vrag- en passasiersverkeer.

Verwysings

Fox, Kieran (13 Mei 2008). "England | Hampshire | Pompey buck unfashionable trend" (in Engels). BBC News. Geargiveer vanaf die oorspronklike op 17 Mei 2008. Besoek op 7 Mei 2009.
"2011-sensus - Beboude gebiede" (in Engels). Office for National Statistics. Geargiveer vanaf die oorspronklike op 14 Mei 2020. Besoek op 20 Julie 2014.
"British urban pattern: population data" (PDF). ESPON project 1.4.3 Study on Urban Functions. European Union – European Spatial Planning Observation Network. Maart 2007. pp. 120–121. Geargiveer vanaf die oorspronklike (PDF) op 24 September 2015. Besoek op 14 Mei 2011.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[1] Fox, Kieran (13 Mei 2008). "England | Hampshire | Pompey buck unfashionable trend" (in Engels). BBC News. Geargiveer vanaf die oorspronklike op 17 Mei 2008. Besoek op 7 Mei 2009.

[BUA-2] "2011-sensus - Beboude gebiede" (in Engels). Office for National Statistics. Geargiveer vanaf die oorspronklike op 14 Mei 2020. Besoek op 20 Julie 2014.

[espon-3] "British urban pattern: population data" (PDF). ESPON project 1.4.3 Study on Urban Functions. European Union – European Spatial Planning Observation Network. Maart 2007. pp. 120–121. Geargiveer vanaf die oorspronklike (PDF) op 24 September 2015. Besoek op 14 Mei 2011.