Portrush

Portrush (afgelei van Iers-Gaelies Port Rois, "hawe by die landpunt") is 'n stranddorp in die Noord-Ierse graafskap Antrim, digby die grens met die graafskap Londonderry en nie ver van Portstewart nie, 'n ander bekende see-oord, met 'n bevolking van 6 454 volgens die sensus van 2011.

Whiterocks Beach is genoem na die die wit kranse - 'n gewilde bestemming vir 'n staptoer langs die strand

Die wit kranse of White Rocks, soos gesien vanuit Curranstrand

Portrush Port Rois (Iers-Gaelies)
Dorp
Uitsig oor Portrush
Portrush
Koördinate: 55°11′57″N 6°39′15″W
Land	Verenigde Koninkryk
Land (VK)	Noord-Ierland
County	Antrim
Bevolking
• Totaal	6 454
Tydsone	UTC+00:00 (MGT)
• Somertyd	UTC+01:00 (BST)
Poskode	BT56
Skakelkodes	028, +44 28
Webwerf	portrush.org.uk

Die grootste deel van Portrush se historiese dorpskern, insluitende die spoorwegstasie asook die meeste hotelle, restaurante en kroeë, is op die Ramore Head-landpunt geleë, 'n skiereiland wat oor 'n afstand van een myl in noord-noordoostelike rigting in die Atlantiese Oseaan uitsteek. Buite die toeristeseisoen dien Portrush hoofsaaklik as slaapstad vir die nabygeleë Coleraine-kampus van die Universiteit van Ulster.

Portrush staan veral bekend vir sy drie uitgestrekte sandstrande - West Strand, East Strand en White Rocks, asook die Koninklike Portrush-gholfklub (Royal Portrush Golf Club), die enigste Britse gholfklub buite die hoofeiland Groot-Brittanje wat as gasheer vir die Ope Kampioenskap opgetree het.