Port Elizabeth-lughawe
Port Elizabeth Internasionale Lughawe (IATA-kode: PLZ, ICAO: FAPE) is 'n lughawe wat Gqeberha, die grootste stad in die Oos-Kaap, Suid-Afrika, bedien. Dit het voorheen bekend gestaan as H. F. Verwoerd-lughawe. Ter ere van 'n ontslape Koisanleier, is die Port Elizabeth-lughawe op 23 Februarie 2021 amptelik herdoop tot die Hoofman Dawid Stuurman Internasionale Lughawe.[3]
| Port Elizabeth Internasionale Lughawe Hoofman Dawid Stuurman Internasionale Lughawe | |||
|---|---|---|---|
 | |||
| 'n Impala Mk1 op statiese uitstalling by die ingang na die Port Elizabeth-lughawe | |||
| IATA: PLZ – ICAO: FAPE | |||
| Opsomming | |||
| Tipe lughawe | Openbaar | ||
| Eienaar/Operateur | Lughawemaatskappy van Suid-Afrika (ACSA) | ||
| Bedien | Gqeberha, Oos-Kaap, Suid-Afrika | ||
| Hoogte bo seevlak | 226 vt / 69 m | ||
| Koördinate | 33°59′5″S 25°36′37″O | ||
| Webtuiste | |||
| Landkaart | |||
  FAPE Ligging van die lughawe in die Oos-Kaap | |||
| Aanloopbane | |||
| Rigting | Lengte | Oppervlak | |
| m | vt | ||
| 08/26 | 1 980 | 6 496 | Teer |
| 17/35 | 1 677 | 5 502 | Teer |
| Statistieke (2006) | |||
| Passasiers | 1 409 607 | ||
| Vragmassa | 8 562 metrieke ton | ||
| Lugbewegings | 51 005 | ||
| Bronne: South African Aeronautical Information Publication [1] Airports Company South Africa [2] | |||
Die lughawe is sowat twee myl suid van die stad se sakekern geleë. Vanaf die meeste stadsbuurte neem 'n rit na die lughawe minder as tien minute, en derhalwe word dit dikwels die "Tien-minute-lughawe" genoem. Die lughawe word, net soos nege ander groot lughawens in die land, deur die Lughawemaatskappy van Suid-Afrika (ACSA) besit en bedryf.
Die lughawe hanteer jaarliks meer as een miljoen passasiers en 800 ton vrag, waaronder blomme, bevrore kreef, vleis, volstruisvelle en sampioene. Die sentrale terminaal is ter geleentheid van die Sokkerwêreldbekertoernooi in 2010 uitgebrei vir 'n maksimum kapasiteit van twee miljoen passasiers per jaar.
Ontstaan
Port Elizabeth-lughawe is oorspronklik in 1929 deur luitenant-kolonel Miller gestig wat 'n vliegveld vir sy lugposdiens tussen Port Elizabeth en Kaapstad benodig het. Toe dit in 1936 amptelik as lughawe geopen is, het dit oor 'n enkele aanloop- en landingsbaan beskik.
Navigasiehulp
- Ongerigte radiobaken – NDB
- VHF allerigting reikwydte – PEV112.9
- Outomatiese Terminaalinligtingdiens – 126.80
Lugdienste en bestemmings
- Suid-Afrikaanse Lugdiens verbind die lughawe met Johannesburg-O.R. Tambo
- Airlink met Bloemfontein en Oos-Londenlughawe
- Mango met Johannesburg-O.R. Tambo en Kaapstad (opgeskort)
- South African Express en British Airways met Johannesburg-O.R. Tambo, Kaapstad en Durban-Koning Shaka.
Passasiersvolumes
| Jaar | Passasiers | % verskil |
|---|---|---|
| 2006 | 1 409 607 |  11,2% |
| 2007 | 1 491 551 | 5,8% |
| 2008 | 1 465 429 |  1,8% |
| 2009 | 1 342 859 | 8,4% |
| 2010 | 1 408 374 | 4,9% |
| 2011 | 1 368 334 | 2,8% |
| 2012 | 1 317 695 | 3,7% |
| 2013 | 1 269 634 | 3,6% |
| 2014 | 1 285 074 | 1,2% |
| 2015 | 1 584 966 | 23,3% |
| 2016 | 1 582 889 | 0,1% |
| 2017 | 1 620 705 | 2,4% |
Verwysings
- (en) "FAPE – Port Elizabeth Internasionaal" (PDF). Suid-Afrikaanse Burgerlugvaartowerheid. 20 Desember 2012. Geargiveer vanaf die oorspronklike (PDF) op 1 Julie 2018.
- (en) "Port Elizabeth Internasionale Lughawe". Airports Company South Africa. Geargiveer vanaf die oorspronklike op 25 Junie 2013. Besoek op 17 Junie 2013.
- (en) "Two SA airports – and Port Elizabeth – just got official new names". BusinessInsider. Besoek op 28 Februarie 2021.
- (en) "ACSA Passenger Statistics". Airports Company South Africa. Geargiveer vanaf die oorspronklike op 29 Oktober 2013. Besoek op 23 Oktober 2013.
Passasierslughawens van Suid-Afrika | ||
|---|---|---|
Bloemfontein • Durban • George • Johannesburg–Lanseria • Johannesburg–O.R. Tambo • Kaapstad • Kimberley • Mala Mala • Mthatha • Nelspruit • Oos-Londen • Phalaborwa • Pietermaritzburg • Pilanesberg • Polokwane • Port Elizabeth • Pretoria–Wonderboom • Richardsbaai • Skukuza • Upington |  Vlag van Suid-Afrika | |
| Hierdie artikel is in sy geheel of gedeeltelik vanuit die Engelse Wikipedia vertaal. |
