Poolnag

'n Poolnag is 'n verskynsel in die noordelikste en suidelikste poolstreke waar die nag langer as 24 uur duur. Dit gebeur net binne die poolsirkels.[1] Die teenoorgestelde verskynsel, 'n pooldag of middernagson, kom voor wanneer die Son langer as 24 uur bo die horison bly.

'n Tipiese blou poolnagskemering in Longyearbyen, Svalbard, Noorweë.
'n Poolnag en Aurora australis by die Suidpool, Antarktika.
'n Poolnag in Narjan-Mar, Rusland.

Beskrywing

"Nag" word verstaan as wanneer die Son onder die horison is. Omdat die atmosfeer sonlig breek, is die pooldag langer as die poolnag en is die gebied wat deur die poolnag geraak word, effens kleiner as die gebied van die middernagson. Wanneer dit nag in die Arktiese Sirkel is, is dit dag in die Antarktiese Sirkel, en omgekeerd.

Enige planeet met 'n groot genoeg ashelling wat aansienlik meer in verhouding met sy ster roteer as waarteen dit om die ster wentel (en sonder enige sinchroniese omwenteling tussen die twee) sal dieselfde verskynsel ervaar ('n nag wat langer as een rotasietydperk duur).

Vir streke binne die poolsirkels wissel die maksimum tyd wanneer die Son heeltemal onder die horison is, van nul tot 'n paar dae in vergelyking met 179 dae by die pole. Nie dié hele tyd word as poolnag geklassifiseer nie, omdat sonlig vanweë ligbreking sigbaar kan wees. Die tyd by die pole wanneer enige deel van die Son bo die horison is, is 186 dae. Dié syfers is gemiddelde tye: Die elliptiese vorm van die Aarde se wentelbaan veroorsaak dat die Son by die Suidpool 'n week langer onder die horison is as by die Noordpool.

Sien ook

Verwysings
  1. Burn, Chris. The Polar Night (PDF). The Aurora Research Institute. Besoek op 28 September 2015.

Skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.