Pontos

Pontos (Grieks: Πόντος) was in die Griekse mitologie een van die oergode wat voortgekom het uit Gaia (Aarde) alleen.[1]

Pontos en Fortuna (links), beskermpersone van die Swartsee-hawe Tomis, 2de eeu

Vir Hesiodus was Pontos nie veel meer nie as die verpersoonliking van die see: ho pontos, "die pad", waarby die Grieke die Middellandse See bedoel het. Hy en Gaia het daarna die ouers geword van Nereus (die ou man van die see), Taumas (die ontsagwekkende "wonder" van die see, dus die see se gevaarlike aspekte), Forkus en sy suster-metgesel Keto, en van die Euribiërs (die Sterk Godinne).[2] By Talassa (wie se naam ook see beteken) was hy die vader van Telchines.

Verwysings
Hierdie artikel is merendeels vertaal vanaf die Engelse Wikipedia-artikel en:Pontus (mythology)
  1. Hesiodus, Teogonie, 116.
  2. Hesiodus, Theogonie, 233.

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.