Ponta do Ouro

Ponta do Ouro (Afrikaans: die Poort van Goud) is 'n klein, stil dorpie langs die Mosambiekse kus ongeveer 10 km van die Suid-Afrikaanse grenspos by Kosibaai. Die dorpie is veral gewild onder skubaduikers en diepsee-hengelaars. Die gebied is bebos met spierwit strande en dolfyne word gereeld gesien. Die klimaat is subtropies en die seewater se temperatuur wissel van 21 °C in die winter tot 28 °C in die somermaande.

Ponta do Ouro Ponta d'Ouro
Dorpie
Ponta do Ouro in die oggend.
Ponta do Ouro
Koördinate: 26°50′0″S 32°53′0″O
Land	Mosambiek
Provinsie	Maputo
Hoogte	15 m (49 ft)
Tydsone	UTC+2 (SAT)

Sonsopkoms oor Ponta do Ouro.

Ponta do Ouro is geklassifiseer as 'n lae risiko malaria-gebied. Voldoende voorsorg moet voor die besoek geneem word en 'n muskiet-afweerder moet saamgeneem word.

Kraanwater in die dorp is nie drinkbaar nie en gebottelde water moet liefs vir die doel gebruik word. Die infrastruktuur is basies en enige luukse items moet saamgeneem word.

Basiese goedere kan op die dorp se mark gekoop word. Die Suid-Afrikaanse rand, VSA-dollar en Mosambiekse metical word aanvaar. Let egter daarop dat die Suid-Afrikaanse grenspos nie die invoer van houtprodukte in die land toelaat nie. Ander produkte wat met die terugtog gekonfiskeer kan word sluit in: groente, vrugte, vleis en vis.