Plooidal
'n Plooidal of sinklien (Engels: syncline) is in struktuurgeologie ’n plooi met jonger lae nader aan die plooi-as, of middel van die struktuur, terwyl die plooirug die omgekeerde van die plooidal is.
'n Diagram met die plooidal en -rug aangedui.
Struktuurgeologie
In geologie is daar selde eenvoudige gevalle, en talle moontlike variasies. In gevalle waar die relatiewe ouderdom van die verskillende lae onbekend is, of die jonger lae in 'n sinkdal na onder lê en die ouer lae na bo, word die struktuur 'n sinvorm genoem. Dit vind gewoonlik plaas waar die gelaagdheid vanweë tektoniese kragte omgekeer word.
Voorbeelde
Van die beste voorbeelde van sinkdalle en -rûe in Suid-Afrika kan in die Kaapse Plooiberge waargeneem word, wat vanaf die verre weste van die land tot in die Oos-Kaap strek.
Plooiing in die Kaapse Plooiberge gesien in 'n padsnit in die Oos-Kaap.
Sien ook
- Monoklien
- Plooirug
- Geologiese plooiing
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.