Plautus

Titus Maccius Plautus (ook net as Plautus bekend; c. 254-184 v.C.) was ’n Romeinse dramaturg uit die Oud-Latynse tydperk. Sy komedies is die vroegste Latynse letterkundige werke wat volledig bewaar gebly het. Hy het Palliata comoedia geskryf, die genre wat geskep is deur die vader van Latynse letterkunde, Andronicus.

Plautus
’n Beeld van die betrokke persoonlikheid.
Geboorte c. 254 v.C.
Sarsina, Italië
Sterfte 184 v.C.
Rome
Beroep Dramaturg
Genre(s) Komedie

Nadat sy toneeltalent ontdek is, het hy die name "Maccius" (’n narfiguur in gewilde klugspele) en "Plautus" (’n term wat "met plat voete/ore" beteken) aangeneem.[1] Die meeste van sy komedies is vir ’n Romeinse gehoor aangepas van Griekse modelle, en is dikwels regstreeks geskoei op die werk van Griekse dramaturge. Hy het die Griekse teks ’n geurtjie gegee wat by Romeinse gehore sou aanklank vind.

Komedies wat bewaar gebly het

  • Amphitryon
  • Asinaria
  • Aulularia
  • Bacchides
  • Captivi
  • Casina
  • Cistellaria
  • Curculio
  • Epidicus
  • Menaechmi
  • Mercator
  • Miles Gloriosus
  • Mostellaria
  • Persa
  • Poenulus
  • Pseudolus
  • Rudens
  • Stichus
  • Trinummus
  • Truculentus

Verwysings
  1. S. O'Bryhim. Greek and Roman Comedy (University of Texas Press, 2001), p. 149.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.