Pikometer

'n Pikometer (simbool: pm) is 'n lengtemaat wat van die SI-basiseenheid vir lengte, die meter, afgelei is en is 'n triljoenste van 'n meter (0,000000000001 m). Dit word uitgedruk as 1x10-12 m.

'n Vereenvoudigde voorstelling van 'n heliumatoom met 'n benaderde berekende deursnit van 62 pikometer[1]

Die pikometer is een duisend femtometers, een duisendste van 'n nanometer, een miljoenste van 'n mikrometer (ook bekend as 'n mikron), een miljardste van 'n millimeter, en een biljoenste van 'n meter.[2] Die simbool μμ is op 'n stadium daarvoor gebruik.[3] Dit is ook een honderdste van 'n Ångström, 'n internasionaal bekende (maar nie-SI) eenheid van lengte.

Gebruik

Die pikometer se lengte is van sodanige klein grootte-orde dat die toepassing daarvan byna volkome beperk is tot deeltjiefisika, kwantumfisika, chemie en akoestiek. Atome is tussen 62 en 520 pm in deursnee, en die tipiese lengte van 'n koolstof-koolstof enkelbinding is 154 pm. Kleiner eenhede is beskikbaar of selfs kleiner deeltjies te beskryf (waarvan sommige die komponente van atome is), soos hadrone en die boonste grootte-limiete vir fermione.

Die Ruimtelaserinterferometer- oftewel LISA-probe, met die doelwit om gravitasiegolwe waar te neem, word vir lansering in 2034 beoog. Dit sal relatiewe verplasings met 'n resolusie van 20 pikometer oor 'n afstand van 2,5 gigameter waarneem, wat op 'n ontledingsensitiwiteit van beter as 1 deel in 1020 neerkom.

SI-veelvoude
Veelvoud Naam Simbool Veelvoud Naam Simbool
100 meter m      
103 kilometer km 10–3 millimeter mm
106 megameter Mm 10–6 mikrometer µm
109 gigameter Gm 10–9 nanometer nm
1012 terameter Tm 10–12 pikometer pm
1015 petameter Pm 10–15 femtometer fm
1018 eksameter Em 10–18 attometer am
1021 zettameter Zm 10–21 zeptometer zm
1024 jottameter Ym 10–24 joktometer ym

Daar is eenhede wat tot die metriese stelsel behoort het, maar wat nie meer in die S.I.-stelsel erken word nie, soos:

Veelvoud Naam Simbool Veelvoud Naam Simbool
101 dekameter dam 10–1 desimeter dm
102 hektometer hm 10–2 sentimeter cm
10–10 Ângström Â

Verwysings
  1. "Atomic radius". WebElements: the periodic table on the web.
  2. Deza, Elena; Deza, Michel Marie (2006). Dictionary of Distances. Elsevier. ISBN 0-444-52087-2.
  3. Rowlett, Russ (2018). "How Many? A Dictionary of Units of Measurement".
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.