Philippikos Bardanes

Philippikos (Latyn: Philippicus, Grieks: Φιλιππικός; oorl. 713) was die Bisantynse keiser van 711 tot 713. Sy oorspronklike naam was Bardanes (Grieks: Βαρδάνης, Vardanis; Armeens: Վարդան, Vardan) en hy was die seun van die patrisiër Nikephorus van Armenië.[1]

Philippikos
Keiser van die Bisantynse Ryk
’n Muntstuk wat Philippikos uitbeeld.
’n Muntstuk wat Philippikos uitbeeld.
Bewind 711–713
Geboortenaam Bardanes
Tydperk 20 jaar van anargie
Oorlede 713
Voorganger Justinianus II
Opvolger Anastasius II
Vader Nikephorus

Hy het met die eerste opstand teen keiser Justinianus II in 695 al probeer om aanspraak op die troon te maak en is daarna na die Krim verban. Hier het hy die naam Philippikos aangeneem en die inwoners aangehits tot ’n opstand. Hulle het na Konstantinopel opgeruk en Philippikos het die troon oorgeneem. Justinianus, wat gevlug het, is kort daarna tereggestel.

Laat in Mei 713 was daar ’n opstand in Thracië en verskeie soldate het Konstantinopel binnegeval. Hulle het Philippikos op 3 Junie verblind. Hy is opgevolg deur sy hoofsekretaris, Artemius, wat keiser geword het as Anastasius II.

Verwysings
  1. Charanis, Peter (1959). "Ethnic Changes in the Byzantine Empire in the Seventh Century". Dumbarton Oaks Papers. Dumbarton Oaks. 13: 23–44. doi:10.2307/1291127. JSTOR 1291127.

Verdere leesstof
  • The Oxford Dictionary of Byzantium, Oxford University Press, 1991.

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.