Peter Buwalda

Peter Buwalda (30 Desember 1971,[1] Brussel) is 'n Nederlandse skrywer en rubriekskrywer. Buwalda was voorheen 'n joernalis en redakteur by verskeie uitgewerye.

Peter Buwalda
Buwalda (2017)
Gebore30 Desember 1971
Brussel
Beroepskrywer
Webwerfhttp://www.debezigebij.nl/auteurs/peter-buwalda/

Hy [2] is die mede-oprigter van die tydskrif Wah-Wah. Daarnaas skryf hy essays en verhale vir literêre tydskrifte soos Bunker Hill, De Gids, Hollands Maandblad en Vrij Nederland. In 1996 maak hy - as toentertydse redakteur van die Kafka-katern[3] - opslae met die essay Een omleiding wegens kuilen in De Gids, wat oor Bruno Schulz, Franz Kafka en Leopold von Sacher-Masoch handel.

In September 2010 debuteer hy met die roman Bonita Avenue wat uitgegee word deur De Bezige Bij en in Afrikaans vertaal word deur Zandra Bezuidenhout onder 'n gelyknamige titel (uitgegee in 2017 deur Protea Boekhuis). Op 22 September 2011 wen hy die Academica Debutantenprijs.[2] Op 30 Oktober 2011 wen hy ook die Selexyz debuutprys.[4] Hy wen verder ook die Tzumprijs in 2011 en die Anton Wachterprys vir die beste debuutroman in 2012. Bonita Avenue is in Duits en Frans (2013), Engels, Hongaars en Yslands (2014), en in Portugees en Deens (2016) vertaal, bykomend tot die Afrikaanse vertaling (2017). In Maart 2019, nege jaar na sy debuut, verskyn sy tweede roman, Otmars zonen.[5] In hierdie roman keer hy terug na die atmosfeer en gevoelswêreld van sy debuutwerk: Enschede en die kampus van die universiteit.[6]

Publikasies (keur)
  • Bonita Avenue (roman). Amsterdam, De Bezige Bij, 2010. Vertaal in Afrikaans onder 'n gelyknamige titel deur Zandra Bezuidenhout. Uitgegee deur Protea Boekhuis (2017).
  • De wethouders van Juinen. (20ste Frans Kellendonklesing). Nijmegen, Radboud Universiteit, 2013.
  • Suzy vindt van niet (rubrieke). Amsterdam, De Bezige Bij, 2014.
  • Van mij valt niks te leren (rubrieke). Amsterdam, De Bezige Bij, 2015.
  • De kurk. Nader tot Mart Smeets. Met tekeninge deur Paul van der Steen. Haarlem, De Korenmaat, 2016.
  • Verse probz. (rubrieke). Amsterdam, De Bezige Bij, 2016.
  • De kleine voeten van Lowell George (rubrieke). Amsterdam, De Bezige Bij, 2017
  • Otmars zonen (roman). Amsterdam, De Bezige Bij, 2019. Bekroon met die 2019 BookSpot Literatuurprys.

Verwysings
  1. vn.nl - Onderhoud met Peter Buwalda (Opgespoor op 15 September 2012)
  2. omroepvenlo.nl - Buwalda wint Academica Literatuurprijs
  3. Kafka-Katern
  4. omroepvenlo.nl - Weer prijs voor Peter Buwalda
  5. Die karakter Otmar is geïnspireer deur die Amsterdamse violis Christiaan Bor (1950), sien: Jannetje Koelewijn, 'Zo ben je een wonderkind, zo ben je een romanpersonage', in: NRC, 10 Mei 2019.
  6. Aantal van de mooiste scènes in nieuwe roman Peter Buwalda spelen zich af in Enschede

Eksterne skakels
Hierdie artikel is in sy geheel of gedeeltelik vanuit die Nederlandse Wikipedia vertaal.
   
Klik vir info oor hierdie sjabloon.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.