Penwortel

'n Penwortel is 'n sterk hoofwortel wat by meeste plante voorkom. Dit groei reguit na benede.

Witlof of sigorei is ´n voorbeeld van 'n plant met 'n penwortel

By boomsoorte soos denne, eikebome en es anker die wortel die boom en verseker dit dat die plant water en voedingstowwe uit die dieper grondlae kan trek. Ander plante vorm 'n sterk, verdikte penwortel vir die berging van voedsel. Penwortels kom voor by eenjarige en meerjarige plante. Afhangende van die plantsoort kan die vorm van die wortel baie verskil. Die wortel kan van kort tot baie lank wees. Dit kan rond, konies of silindervormig wees.

'n Aantal penwortels word as voedsel vir mens of dier gebruik. Voorbeelde hiervan is wortels en beetsoorte. In verdikte wortels kan belangrike voedingstowwe voorkom soos sukrose (in suikerbeet) en inulien en fruktose (in sigorei).

By 'n aantal plantsoorte, soos die perdeblom, kan 'n stuk van die penwortel 'n nuwe plant vorm. Die plant kan homself dus so vermeerder.

Penwortel van 'n jong boom