Pella

Pella is 'n dorp en sendingpos noordwes van Pofadder in die provinsie Noord-Kaap van Suid-Afrika. Die dorp is omstreeks 1814 as 'n sendingpos van die Londense Sendinggenootskap gestig, toe Christen-Khoisan hulle in die gebied gevestig het. Die dorp se naam is afgelei van die Palestynse dorp Pella, 'n antieke toevlugsoord van Christene tydens die vervolging deur Romeinse owerhede. Pella is later deur die Rynse Sendinggenootskap en in 1875 uiteindelik deur die Rooms-Katolieke Kerk oorgeneem.

Pella
Katedraal van Pella
Pella  Pella se ligging in Noord-Kaap
Koördinate: 29°2′0″S 19°9′0″O
Land	Suid-Afrika
Provinsie	Noord-Kaap
Distrik	Namakwa
Munisipaliteit	Khâi-Ma
Stigting	1814
Oppervlak [1]
• Totaal	477,83 km2 (184,49 vk. myl)
Bevolking  (2011)[1]
• Totaal	2 470
• Digtheid	5/km2 (10/vk. myl)
Rasverdeling (2011) [1]
• Wit mense	0.4%
• Indiërs/Asiërs	0.2%
• Bruin mense	96.1%
• Swart mense	2.8%
• Ander	0.5%
Taal (2011) [1]
• Afrikaans	97.5%
• Ander	2.5%
Poskode (strate)	8891
Poskode (posbusse)	8891
Skakelkode	054

Catholic Cathedral Pella, Northern Cape

Die kerk op Pella is deur Franse sendelinge opgerig, en hulle het ook die eerste dadelboord aangelê. Vandag staan Pella bekend vir sy dadels van hoë gehalte, terwyl sy omgewing met 'n verskeidenheid geologiese formasies spog. Halfedelstene is volop in die gebied. Pellaberg is ongeveer 4 km noordwes van Pella.