Pedro Diniz

Pedro Paulo Falleiros dos Santos Diniz (gebore 22 Mei 1970) is 'n Brasiliaanse sakeman en voormalige Formule Eenrenjaer. Diniz het op die ouderdom van agtien met knortjorre (karting) begin jaag en geringe sukses behaal, voordat hy tot motorrenne in die Brasiliaanse Formule Ford-kampioenskap en die Britse Formule 3-kampioenskap gevorder het. Hy het eerste keer in die 1995-seisoen in Formule Een vir Forti gery. Die volgende jaar het hy na Ligier oorgeskakel en vir 1997 na Arrows verskuif. In 1998 het hy 14de in die Bestuurderskampioenskap geëindig, en het daarna vir 1999 na Sauber verhuis. Hy het Sauber ná die 2000-seisoen verlaat en 'n aandeel in die Prost-span gekoop, wat 'n jaar later gevou het.

Diniz by die 2000 Kanadese Grand Prix
Pedro Diniz
Diniz in 2016
Diniz in 2016
Geboortedatum 22 Mei 1970 (1970-05-22)
Geboorteplek São Paulo, Brasilië
Nasionaliteit Vlag van Brasilië Brasilianer
Aktiewe jare 1995–2000
Ou span(ne) Forti, Ligier, Arrows, Sauber
Inskrywings 99 (98 begin)
Kampioenskappe 0
Oorwinnings 0
Podiums 0
Loopbaanpunte 10
Voorste wegspronge 0
Vinnigste rondtes 0
Eerste F1-wedren 1995 Brasiliaanse Grand Prix
Laaste inskrywing 2000 Maleisiese Grand Prix

Ná Formule Een

Aan die einde van 2001 het die Diniz-gesin probeer om die oorblywende belang in die Sauber-span te koop, maar onderhandelinge met spanhoof, Alain Prost, het nie tot 'n ooreenkoms gelei nie.[1][2] Diniz het die span in November formeel verlaat omdat sy verhouding met Prost versleg het.[3]

Diniz het die skep van 'n nuwe renreeks, die Formule Renault 2.0 Brasilië-kampioenskap in November 2001 aangekondig.[4] Diniz was 'n vennoot van die Wonder Inn, Fernando de Noronha tussen Julie 2003 en Mei 2009.[5] Hy het daarna 'n vennoot in sy pa se supermarkketting geword en bedryf 'n organiese produk- en melkplaas. Diniz is getroud met Tatiana wat saam met hom werk en twee kinders het.[6]

Verwysings
  1. Henry, Alan (29 Januarie 2002). "Debts end Prost grand prix dream". The Guardian. Besoek op 18 Desember 2014.
  2. Stephen Mosley (13 Junie 2022). "What did F1 drivers do after racing? Zanardi, Alguersuari and more". autosport.com (in Engels). Motorsport Network. Besoek op 15 Maart 2023.
  3. "Pedro Diniz confirms split with Prost". motorsport.com. 3 November 2001. Geargiveer vanaf die oorspronklike op 4 Maart 2016. Besoek op 18 Desember 2014.
  4. State Agency (20 November 2001). "Brasil terá F-Renault por cinco anos" [Brazil will have F-Renault for five years]. Estadão Esportes (in Portugees). Besoek op 18 Desember 2014.
  5. "João Paulo Diniz e Luciano Huck vendem participação em pousada em Fernando de Noronha" [João Paulo Dinz and Luciano Huck sell stake in hotel in Fernando de Noronha]. Exame.com (in Portugees). 18 Mei 2009. Besoek op 18 Desember 2014.
  6. Lima, Paulo (21 Mei 2012). "Pedro Paulo Diniz". Trip Magazine (in Portugees). Besoek op 18 Desember 2014.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.