Paramagnetisme

Paramagnetisme is die magnetiese eienskap van 'n materiaal wat ongepaarde elektronspins bevat wat nie aan mekaar gekoppel is nie.

Diagram van 'n paramagneet met en sonder 'n magneetveld

'n Paramagnetiese materiaal sal by blootstelling aan 'n uitwendige magneetveld met sterkte H 'n magnetisasie M genereer wat direk eweredig is aan die veld. Die eweredigheidskonstante word die vatbaarheid of susseptibiliteit genoem.

${\displaystyle M=\chi H}$

Die magnetiese vatbaarheid volg gewoonlik Curie-Weiss se wet wat sê dat dit omgekeerd eweredig met die (absolute) temperatuur is:[1]

${\displaystyle \chi ={C \over T}}$

Hierin is C die Curie-konstante wat bepaal word deur die grootte en die aantal van die magnetiese momente (spins) in die materiaal:

${\displaystyle C=\mu _{o}{N \over V}{\mu ^{2} \over 3k_{B}}}$

Die magnetiese deurdringbaarheid van die vakuum: ${\displaystyle \mu _{o}}$

Die aantal spins per volume: ${\displaystyle {N \over V}}$

Die magnetiese moment van die spins: ${\displaystyle \mu }$

Konstante van Boltzmann: ${\displaystyle k_{B}}$