Pamukkale

Pamukkale, wat "katoenkasteel" in Turks beteken, is ’n natuurterrein in die Denizli-provinsie in Suidwes-Turkye. Daar is warmwaterbronne en travertyne, terrasse van kalksteen wat deur die vloeiende water agtergelaat word. Dit is geleë in Turkye se Binne-Egeïese streek, in die Menderes-riviervallei, waar die temperatuur die grootste deel van die jaar gematig is.

Hiërapolis-Pamukkale*
Unesco-wêrelderfenisterrein
Pamukkale, met sy poele water van warmwaterbronne.
Ligging van Pamukkale op 'n kaart (Turkye)
Pamukkale
Pamukkale
Posisie van Pamukkale in Turkye
Koördinate: 37°55′23″N 29°07′26″O
Lande Vlag van Turkye Turkye
Tipe Verskeie
Kriteria iii, iv, vii
Verwysings 485
Streek† Asië
Inskripsiegeskiedenis
Inskripsie 1988  (12de Sessie)
* Naam soos dit in die Wêrelderfenislys verskyn.
† Streek soos deur Unesco geklassifiseer.

Die antieke stad Hiërapolis is gebou bo die wit "kasteel", wat altesaam 2 700 m lank en 160 m hoog is. Dit kan 20 km ver gesien word vanaf die heuwels aan die oorkant van die vallei.

Toerisme

Toerisme is belangrik in die gebied. Mense het duisende jare lank in die water geswem. Tot so onlangs as die middel van die 20ste eeu is hotelle oor die ruïnes van die Hiëropolis gebou en aansienlike skade is aangeirg. ’n Pad is van die vallei oor die terrasse gebou en motorfietse is toegelaat om op en af met die hange te ry. Toe die gebied in 1988 saam met Hiërapolis as ’n Unesco-wêrelderfenisgebied verklaar is,[1] is die hotelle gesloop en die pad verwyder.

Die eertydse Romeinse bad van Hiërapolis is sedert 1984 die terrein van ’n argeologiese museum. Talle artefakte van verskeie gebiede, selfs uit die Bronstydperk, word hier uitgestal.

Galery
  • Panoramiese uitsig oor Pamukkale.
    Panoramiese uitsig oor Pamukkale.
  • Warmwaterbronne van Pamukkale.
    Warmwaterbronne van Pamukkale.
  • ’n Deel van die "katoenkasteel".
    ’n Deel van die "katoenkasteel".
  • ’n Kalksteenmuur.
    ’n Kalksteenmuur.

Verwysings
Hierdie artikel is merendeels vertaal vanaf die Engelse Wikipedia-artikel en:Pamukkale
  1. "Hierapolis-Pamukkale World Heritage Site". UNESCO World Heritage Centre. Geargiveer vanaf die oorspronklike op 19 Mei 2020. Besoek op 23 Junie 2007.

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.