Pago Pago

Pago Pago (ook Pango Pango) is die hoofstad en grootste stad van die eilandnasie Amerikaans-Samoa op die eiland Tutuila, 'n eilandgebied van die Verenigde State van Amerika in die Stille Oseaan en Oseanië. Die stad het 'n bevolking van 3 656 in 2010 gehad en het 'n oppervlakte van 141,81 km².

Pago Pago

Kaart Wapen
Vlag
 Land Vlag van Verenigde State van Amerika Verenigde State
 Eilandgebied Vlag van Amerikaans-Samoa Amerikaans-Samoa
 Koördinate 14°17′S 170°42′W
 Stigting 1889
 Oppervlakte:  
 - Totaal 141,81 vk km
 Hoogte bo seevlak 9 m
 Bevolking:  
 - Totaal (2010) 3 656
 - Bevolkingsdigtheid 81,09/vk km
 Tydsone UTC -11
 - Somertyd UTC -11
 Burgemeester
 Amptelike webwerf

Pago Pago is die tuiste van een van die diepste natuurlike diepwaterhawens in die Suid-Stille Oseaan, beskut teen wind en rowwe see, en strategies geleë.[1][2][3] Die hawe is ook een van die besbeskermdes in die Suid-Stille Oseaan,[4]:11 wat aan Amerikaans-Samoa 'n natuurlike voordeel gee omdat dit die landing van vis vir verwerking makliker maak.[4]:61 Toerisme, vermaak, kos en tuna-inmaak is sy hoofbedrywe. Vanaf 1993 was Pago Pago die wêreld se vierde grootste tuna-verwerker.[5]:353 Dit was die tuiste van twee van die grootste tunamaatskappye in die wêreld: Chicken of the Sea en StarKist, wat saam 'n geraamde $445 miljoen in blikkies tuna na die vasteland van die VSA uitgevoer het.[6] Die totale waarde van vis wat in Pago Pago geland word - sowat $200 000 000 jaarliks - is hoër as in enige ander hawe in enige Amerikaanse staat of gebied.[7]

Pago Pago is die enigste moderne stedelike sentrum in Amerikaans-Samoa,[3]:29[8] en die hoofhawe van Amerikaans-Samoa. [9][10][11] Dit is ook die tuiste van die territoriale regering, die hele nywerheid en die meeste van die handel in Amerikaans-Samoa.[12]:166 Die Groter Pago Pago Metropolitaanse Gebied omsluit verskeie dorpies wat saamgestring is langs die Pago Pago-hawe.[13][14] Een van die dorpies heet self Pago Pago, en in 2010 het daardie dorpie 'n bevolking van 3 656 gehad. Die samestellende dorpe is: Utulei, Fagatogo, Malaloa, Pago Pago, Satala en Atu'u. Fagatogo is die middestad, waarna verwys word as "dorp", en is die tuiste van die wetgewer, terwyl die uitvoerende setel in Utulei is. Ook in Fagatogo is die Fono, polisie-afdeling, die hawe van Pago Pago, en baie winkels en hotelle. In 2000 was die Groter Pago Pago-gebied die tuiste van 8 000 inwoners;[15] teen 2010 het die bevolking tot 15 000 toegeneem.[16]

Reënmakerberg (Mount Pioa), wat in Pago Pago geleë is, dra by tot 'n weerpatroon wat daartoe lei dat die stad die hoogste jaarlikse reënval van enige hawe ter wêreld het.[17][18][19] Dit staan beskermend oor die oostelike kant van Pago Pago, wat die hawe een van die mees beskutte diepwater-ankerplekke in die Stille Oseaan maak.[20]:3

Histories het die strategiese ligging van Pago Pago Bay 'n direkte rol gespeel in die politieke skeiding van Wes- en Oos-Samoa. Die aanvanklike rede waarom die VSA in Tutuila belanggestel het, was sy begeerte om Pago Pago-hawe as 'n steenkoolstasie te gebruik.[21]:30–31 Die dorp het die onderskeiding dat dit die mees suidelike Amerikaanse hoofstad is, en die enigste een wat in die Suidelike Halfrond geleë is.

Verwysings
  1. United States Central Intelligence Agency (2016). The World Factbook 2016–17. Government Printing Office. Page 19. ISBN 9780160933271.
  2. Grabowski, John F. (1992). U.S. Territories and Possessions (State Report Series). Chelsea House Pub. ISBN 9780791010532.
  3. Kristen, Katherine (1999). Pacific Islands (Portrait of America). San Val. ISBN 9780613032421.
  4. Leonard, Barry (2009). Minimum Wage in American Samoa 2007: Economic Report. Diane Publishing. ISBN 9781437914252.
  5. Stanley, David (1993). South Pacific Handbook. David Stanley. ISBN 9780918373991.
  6. Smith, Andrew F. (2012). American Tuna: The Rise and Fall of an Improbable Food. University of California Press. Page 164. ISBN 9780520954151.
  7. https://www.nps.gov/npsa/learn/nature/upload/NatHistGuideAS09.pdf Geargiveer 24 Februarie 2017 op Wayback Machine (Page 48)
  8. United States. Army. Corps of Engineers. Pacific Ocean Division (1975). Water Resources Development by the U.S. Army Corps of Engineers in American Samoa, 1975. Division Engineer, U.S. Army Engineer Division, Pacific Ocean, Corps of Engineers. Page 36.
  9. Carter, John (1984). Pacific Islands Yearbook 1981. Pacific Publications Pty, Limited. Page 49. ISBN 9780858070493.
  10. Encyclopædia Britannica (2003). The New Encyclopædia Britannica: Volume 25. Encyclopaedia Britannica, Inc. Page 288. ISBN 9780852299616.
  11. C. Balme (2006). Pacific Performances: Theatrically and Cross-Cultural Encounter in the South Seas. Springer. Page 156. ISBN 9780230599536.
  12. Swaney, Deanna (1994). Samoa: Western & American Samoa: a Lonely Planet Travel Survival Kit. Lonely Planet Publications. ISBN 9780864422255.
  13. "Raiders draft Shalom Luani". 30 April 2017.
  14. Mack, Doug (2017). The Not-Quite States of America: Dispatches From the Territories and Other Far-Flung Outposts of the USA. W.W. Norton & Company. Page 62. ISBN 9780393247602.
  15. Lal, Brij V. and Kate Fortune (2000). The Pacific Islands: An Encyclopedia, Volume 1. University of Hawaii Press. Page 101. ISBN 9780824822651.
  16. Sparks, Karen Jacobs (2010). Britannica Book of the Year 2010. Encyclopaedia Britannica, Inc. Page 509. ISBN 9781615353668.
  17. Atkinson, Brett and Charles Rawlings-Way (2016). Lonely Planet Rarotonga, Samoa & Tonga (Travel Guide). Lonely Planet. Page 147. ISBN 9781786572172.
  18. "Rainmaker Mountain in Tutuila". Lonely Planet. Geargiveer vanaf die oorspronklike op 19 Oktober 2017. Besoek op 28 November 2017.
  19. "American Samoa Is The Empty Slice Of Bliss You've Been Craving". huffingtonpost.com. 5 September 2014. Geargiveer vanaf die oorspronklike op 10 September 2017. Besoek op 28 November 2017.
  20. Sunia, Fofo I.F. (2009). A History of American Samoa. Amerika Samoa Humanities Council. ISBN 9781573062992.
  21. Shaffer, Robert J. (2000). American Samoa: 100 Years Under the United States Flag. Island Heritage. ISBN 9780896103399.

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.